Прес-конференција на претседателот на ВМРО-ДПМНЕ

Мицкоски: Ќе учествуваме на лидерска средба кај претседателот ако добиеме официјална покана

„Недобивањето датум е лоша и непосакувана вест за Македонија, и државата влегува во разочарување. Ваквата одлука е пораз, но не на македонскиот народ и граѓаните, туку на политиките на Зоран Заев и на оваа власт“, рече денес на прес-конференција претседателот на ВМРО-ДПМНЕ, Христијан Мицкоски.

„Оправдано е чувство дека таа политикa на втурна во бесконечен круг на отстапки за на крај да се врати со неуспех. Македонија има пријатели во Европа и ЕУ е наша стратешка цел. Нема датум зошто нема реформи, зашто народот живее тешко, криминалот царува со системот. На народот му е преку глава од политиканство и надмудрување меѓу партиите. Времето покажува дека сме во право. Штетата е веќе направена. Не почнувам битка во лов на виновници. Не треба време за тоа, на народот му е јасно и се гледа. Ова не е крај туку почеток на промените кои мора да се случат. Оваа власт ќе биде заменета и ќе потоне во заборав, народот бара и посакува предвремени избори исто како и јас. Колку и да се противи власта избори ќе дојдат а ќе дојде и политичкиот крај на Заев", истакна Мицкоски во своето обраќање.

„ВМРО-ДПМНЕ останува принципиелна и ги повикува граѓаните да застанат рамо до рамо во одбрана на иднината. Секој што сака да се приклучи е добредојден. Да почекаме да видиме што ќе се случува во деновите што следат а потоа ќе следат и чекорите на ВМРО-ДПМНЕ. Заев требаше да си поднесе оставка многу порано, ќе влезе во историјата како еден од најнеуспешните премиери кои нанесол најголемо зло", додаде Мицковски.

Претседателот на ВМРО-ДПМНЕ реше дека повикал на лидерска средба на државниот врв за да се разговара со отворени карти, чесно, искрено зашто граѓаните тоа го очекуваат од нив и дека е разочаран од секојдневните политики.

„Кој повикал прв е неважно, туку да излеземе со јасен план и да им дадеме на граѓаните оптимизам. Јасен план без калкулирање и политиканство, нема време за губење треба време за акција. Дали средбата ќе биде зашто јас сум повикал или јас ќе бидам повикан е помалку важно. Треба да добиеме официјална покана , ќе учествувам на таква средба. Не е потребно потпишување само договори, туку многу реформи", дополни Мицкоски.

Во повеќето земји во развој, ковид-19 предизвикува економски ураган.

повеќе

Бизнис заедницата која до пред некој месец постојано „трубеше“ како државата не треба да ѝ се меша во работата, веднаш почна да плаче за државна помош.

повеќе

Кога може оние кои пукаа по нас, оние кои ги убија Аце, Коки и Оливер да бидат на слобода, зошто не би бил помилуван и ти?

повеќе