Мицкоски: Ќе учествувам на лидерска средба ако ја свика Владата, а не Пендаровски

Изминатите 100 дена на Владата се вистинско фијаско и продолжение на низата која трае четири долги години – години на промашувања, криминал и неуспеси. Ова се најлошите 100 дена на кој било Влада во македонската современа држава. Вака лидерот на ВМРО-ДПМНЕ, Христијан Мицкоски ги оцени првите три месеци од мандатот на актуелната Влада.

Мицкоски на прес-конференција која почна додека е во тек владиниот онлајн отчет за сработеното во првите 100 дена, рече дека изминатите 100 дена се 100 дена на загубена иднина, загубена економија, загубена правда, загубена вистина, загубени животи, загубено достоинство и атакуван идентитет.

„Ова се 100 дена на загубени штедни влогови, упропастена банка, загубени пари, илјадници загубени работни места, загуби за земјолците, бизнисот, загубени инвестиции. Ветуваа живот, а по изборниот инженеринг составија Влада со ветување – можеме повеќе и подобро, а за само 100 дена добивме вето на патот кон ЕУ и влеговме во рецесија, поскапе струјата, се загубија животи поради неспособност да се манаџира здравството“, истакна Мицкоски.

Според него, сегашната Влада не може да ги менаџира ни економијата, образованието и надворешната политика. Нема ниту еден капитален проект, гасификацијата доцни, а повеќето граѓани живеат со по две евра на ден.

И не само тоа, туку и многу лажат, тоа е за нив секојденвие. Нормална држава овие работи не би издржала, посочи лидерот на ВМРО-ДПМНЕ.

Тој појасни дека ако не ја гледа улогата на претседателот Стево Пендаровски за лидерска средба бидејќи тој не е претседател на политичка партија. 

„Не ја гледам улогата на Стево Пендаровски во лидерска средба бидејќи тој не е претседател на политичка партија. Ако е потребна поддршката на политичките партии и ние, политичките партии да разговараме за нешто тогаш се знае, треба да седнат политичките паритии. Се знае кој треба да ја свика таа лидерска средба. Ние неколку пати до сега ја побаравме таа лидерска средба. Ако цени дека треба да седнат политичарите да, стојам на располагање. Но на еден таков формат свикан од Пендаросвки, не нема да ушествувам. Ако Владата ја свика лидерската средбата, да, ќе учествувам“, рече Мицкоски во одговор на новинарско прашање. 

Пред неколку недели се наврши една година од почетокот на пандемијата. Ковид-19 ги разоткри системските проблеми во здравствениот систем и другите институционални гранки на Косово.

повеќе

Ако не се претвориме во систем на вакцинални касти („Тргни ги твоите Астразенека-шепи од мојот Фајзер-дедо“), може да застраниме кон вакцинални пасоши со сомнителна валидност („Врвката на оваа пропусница не е во нијанса одобрена од СЗО!“).

повеќе

Освен неколку изолирани обиди, повеќето луѓе не реагираат кај институциите и не бараат одговорност. 

повеќе