За 24 Анализа

Мицкоски: Јавноста ќе мора да почека до 30 септември за да го види мојот став за референдумот

Претседателот на ВМРО-ДПМНЕ, Христијан Мицкоски демантира дека со својата порака на прес-конференцијата за партискиот став околу референдумот повикал на тивок бојкот, но повторно не го откри својот став. 

Во емисијата 24 Анализа на ТВ 24 Мицкоски рече дека јавноста ќе мора да почека до 30 септември за да види дали тој ќе бојкотира или ќе гласа на референдумот.  

„Ќе мора да причекате до 30 септември и да го видите мојот став. Дали Христијан Мицкоски ќе излезе или нема да излезе на референдумот во овој момент воопшто не е важно. Важно е дека ВМРО-ДПМНЕ одлучи да не води кампања за овој капитулантски договор. На овој референдум, овој таканаречен договор не е дел од референдумското прашање, туку прашањето е трозначно, манипулативно и има задача да внесе забуна кај граѓаните”, изјави Мицкоски.

Тој уште кажа дека се повлекол од изјавата дека ќе гласа против договорот поради манипулативното референдумско прашање.

Мицкоски во интерјуто тврдеше дека не се пазари за амнeстија за поранешниот премиер Никола Груевски и ако добие таква понуда, а за возврат да треба да даде поддршка на референдумот, нема да ја прифати.

„Не знам на што би се однесувала таа амнестија. Но, ќе ви одговорам, ќе одбијам. Но, не знам за што би била таа амнестија, за никој од нив нема правосилна пресуда. Ние како ВМРО-ДПМНЕ и нашата анализа и анкети и водени разговори со граѓаните, донесеовме одлука на граѓаните да им понудиме одлука најдемократска на свет, сами да одлучат како да постапат на референудмот. Централниот комитет едногласно му даде легитиметет на овој став”, рече Мицкоски.

На прашањето дали се плаши од раскол во партијата Мицкоски вели дека не се плаши ниту, пак, има индиции за такво нешто, туку дека има голема поддршка од пратеничката група на ВМРО-ДПМНЕ. 

Тој не одговори дали ќе си поднесе оставка од претседателската функција доколку власта добие поддршка за Договорот од Преспа, туку рече дека ВМРО-ДПМНЕ и тој ниту биле дел преговорите за него, ниту некој ги прашал за референдумот и референдумското прашање. 

„Легитимитетот на еден политичар е под знак на прашање на парламентарни избори”, изјави Мицкоски. 

 
 

(Текстот е одговор на колумната „Сите нации се модерни конструкти" од д-р Љубица Спасковска објавена на МКД.мк, 1 август)

повеќе

На мојот пријател, овчарот Митко му реков: „Дојде време ти, јас, сите граѓани на Македонија да си го вратиме суверенитетот на оваа наша држава".

повеќе

Неопходно е да се допрецизира законот со што би се овозможило одреден дел од финансиски средства да се пренасочат кон делот на општествена одговорност на приредувачите на игри на среќа со цел подобрување на спортската инфраструктура.

повеќе