Во Букурешт

Мелескану-Џафери: Поддршка за почеток на преговорите со ЕУ за време на романското претседателство

Романија е подготвена да ги сподели искуствата и експертизата за текот на процесот и отворањето на поглавјата за полноправно членство во ЕУ и директно ќе се залага Република Северна Македонија во јуни да добие покана за датум за отпочнување на преговорите за членство во ЕУ, порачал романскиот министер за надворешни работи Теодор Мелескану на средбата со претседателот на македонскиот Парламент, Талат Џафери во Букурешт.

Мелескану, како што соопшти собраниската прес-служба, честитал за усвоените уставни измени и досегашните успешни чекори во реформскиот и интеграцискиот процес, потсетувајќи дека Романија досега пружила безрезервна поддршка на нашата земја во нејзиниот пат кон членство во НАТО и ЕУ, а сега со романското претседателство со Советот на ЕУ, директно ќе се залага за Република Северна Македонија во јуни да добие покана за датум за отпочнување на преговорите за членство во ЕУ.

Џафери, пак, истакнал дека „Република Северна Македонија се залага за градење на добри и конструктивни билатерални односи со Романија, базирани врз конструктивен и отворен политички дијалог, партнерски однос и заемна соработка, особено на културен, образовен и економски план“.

На средбата се разговарало и за економската соработка, преку креирање на заемен Бизнис форум и трговска размена, како и за унапредувањето на правата на малцинствата претставувани во двете земји.

Инаку, денеска со гласање на Сенатот во Букурешт ќе се финализира процедурата за ратификација на Протоколот за НАТО во Романскиот парламент, откако Претставничкиот дом едногласно го поддржа на 27 февруари годинава.

 

 

За жал многумина, а особено оние што треба, не може да ја видат историската димензија на оваа посета на еден папа на нашата земја.

повеќе

Кога знаеме како функционира кризата на претставеност, можеме да спречиме повторување на историјата, кое можеби овој пат би имало и многу полоши последици по демократското општество.

повеќе

Деновиве Владата донесе одлука за формирање на ново министерство. А и така, по глава на жител, верувам, рекордери сме по министерства и министри. Оттука, размислував зошто да не предложам да се формира уште едно – за „спречување автоголови".

повеќе