Берлин

Мас: Не гледам никакви пречки за почеток на преговорите со ЕУ

Северна Македонија ќе го најде својот пат кон Европската Унија преку соработка и компромис, преку демократија и владеење на правото, порача денеска шефот на германската дипломатија Хајко Мас по средбата со министерот за надворешни работи Никола Димитров.

„Северна Македонија е дел од Европа. Ќе продолжам да работам кон преговорите за пристапување кон ЕУ. Мора да ги почитуваме достигнувањата Северна Македонија ќе го најде својот пат во  преку соработка и компромис, преку демократија и владење на правото“, објави германското МНР на Твитер по средбата на Мас со Димитров.

На средбата разговарале околу надежите на нашата земја да почне пристапни преговори.

Ставот на германскиот министер е позитивен и најави дека ќе се залага за почеток на преговорите.

„Не гледам воопшто никакви пречки за почеток на преговорите со Северна Македонија. Она што беше сторено во реформскиот процес е забележително. Предусловите за почеток на преговорите се исполнети и затоа се залагаме за нивно започнување – како во Бундестагот, така и кај нашите партнери во ЕУ“, рече Мас.

Министерот Димитров, на заедничката прес-конференција, изрази благодарност за поддршката од германскиот колега.

„Како нација одлучувме да продолжиме напред. Да изградиме функционална демократија во срцето на Балканот, во нашата земја Северна Македонија. Ова е препознаено во извештајот на Европската Комисија и одлуката на Советот беше одложена за октомври. Влогот е голем, за земјата, за регионот и за ЕУ. Пораките испратени до нас, исто така се однесуваат и на регионот. Дали вреди решавањето големи и тешки прашања и дали вреди инвестирањето во реформи“, изјави Димитров.

Германскиот парламент во јуни годинава требаше да расправа за извештајот на Европската комисија за напредокот на Македонија и Албаниај и ја одложи за септември-октомври.

Министерот Димитров се сретна и со државниот министер надлежен за Европа, Михаил Рот при што соговорниците разменија мислења околу конкретните реформски резултати што Македонија ги постигна и поширокиот регионален и ЕУ контекст во пресрет на октомврискиот совет.

Димитров имаше низа средби со германски пратеници од Бундестаг и тоа: Јосип Јуратовиќ (СПД), Гунтер Крихбаум (ЦДУ, претседавач на Комисијата за ЕУ прашања), Кристијан Петри (СПД), Михаил Куфер (ЦСУ), како и со Уве Корсепиус, советник за ЕУ на канцеларката Меркел. 

На средбите со германските пратеници кои дадоа јасна поддршка, стана збор за резултатите и напредокот што земјата ги оствари и аргументите зошто позитивната одлука во октомври е заслужена, особено во пресрет на претстојната дебата на Бундестаг на крајот на септември.

И утре Димитров продолжува со средби со пратеници од германскиот Бундестаг, советникот за надворешна политика на канцеларката Меркел, како и со претставници на германското Министерство за надворешни работи.

Нема пазар доколку нема информации. Дајте ги информациите за пазарот на грозје.

повеќе

Овој термин, без исклучок го употребуваат сите партии кога се во опозиција. СДСМ, ВМРО-ДПМНЕ, Алијанса за Албанците, ДПА...

повеќе