Македонско-бугарската работна група за европска соработка на состанок во Скопје

Македонско-бугарската меѓувладина работна група за европска соработка – зелена транзиција, дигитална трансформација и владеење на правото денеска продолжува со работа во Скопје.

Како што најавија од СЕП, вицепремиерот за европски прашања, Бојан Маричиќ, заедно со вицепремиерката задолжена за политики за добро владеење, Славица Грковска, ќе биде дел од сесијата на тема „Партнерство со граѓанските организации“, на која со нивната бугарска колешка, заменик премиерката за добро владеење Калина Константинова, ќе дискутираат за следните чекори во активностите за системско вклучување на граѓанскиот сектор во сите работни групи и за проекти на кои граѓанските организации од двете држави можат заеднички да работат.

На посебни паралелни состаноци министерот за правда Никола Тупанчески со бугарскиот заменик министер за правда, Борислав Ганчев ќе разговараат на тема правосудство и антикорупција.

Следните чекори за реализирање на двегодишната Програма за имплементација на Договорот за заштита на животната средина и управување со водите ќе ги дефинираат на денешниот состанок министерот Насер Нуредини со Борислав Сандов, заменик претседател на Владата за климатски политики и министер за животна средина и води на Република Бугарија.

Дополнително, информираат од СЕП,  вицепремиерот Маричиќ на средбата ќе ја отвори и темата за Меморандумот за соработка во делот на ЕУ интеграции и Зелената агенда.

За време на средбата, како што е најавено, ќе биде потпишана и Декларација за заемна соработка помеѓу Министерството за електронско управување на Бугарија и Министерство за информатичко општество и администрација на Северна Македонија од страна на Божидар Божанов и Адмирим Алити.

 

Безбедноста, енергијата и миграцијата се три приоритети со најголема важност за британските граѓани, така што тие се на и на самиот врв на мојата агенда. Затоа патувам за Прага на средбата со европските лидери.

повеќе

Камбаните бијат поради нашата некадарна дипломатија, која е професионално  одговорна за дебаклот со Договорот со Бугарија, а пред тоа за Преспанскиот договор.

повеќе

На 6 октомври 1946 година почна носењето на моштите на Гоце Делчев од Софија во Скопје, столицата на слободна Македонија.

повеќе