Македонските граѓани од денеска во Србија влегуваат без ПЦР тест

Граѓаните на МакедонијаБугарија, Босна и Херцеговина, Црна Гора и Албанија од денеска можат да влезат во Србија без негативен ПЦР тест, а истото важи и за државјаните на Србија кои одат во овие земји.

Македонските граѓани како што беше претходно најавено, ќе влегуваат во Србија без ПЦР тест, а српската премиерка Ана Брнабиќ и премиерот на Албанија, Еди Рама вчера разговарале за укинување на задолжителниот негативен ПЦР тест за влез на албанските граѓани во Србија.

Како што јави МИА од Белград, амбасадата на Србија во Бугарија објавила дека граѓаните на Бугарија можат да влезат во Србија без негативен ПЦР тест, со што Бугарија е единствената земја од ЕУ чии граѓани можат во Србија без ПЦР тест. Исто така и Црна Гора дозволи влез во таа земја без ПЦР тест, што важи и за граѓаните на Србија.

Државјаните на Србија кои не доаѓаат од споменатите земји (БиХ, Македонија, Албанија, Бугарија и Црна Гора) и немаат негативен тест за ПЦР, мораат да поминат задолжителни 10 дена во домашен карантин, од денот на преминување на границата. Лицата кои доаѓаат од САД, наместо негативен ПЦР тест, им се признава негативен Антиген ФИА Рапид тест, се наведува на веб-страницата на српската амбасада во Софија.

Претседателот на Српската стопанска комора (ПКС), Марко Чадеж оцени дека укинувањето на задолжителниот ПЦР тест за овие земји е уште една добра одлука за економска соработка во регионот.

„Регионот е наш заеднички дом, затоа одлуката на министерот за здравство за укинување на задолжителниот ПЦР тест за секој што ќе дојде кај нас од непосредната околина е уште еден показател за нашата подготвеност за отстранување на бариерите меѓу нас, кажа Чадеж“, пишува во соопштението од ПКС.

 

Северна Македонија, исто така, мора да се придвижи кон енергетска независност, користејќи обновливи извори на енергија кои нема да му наштетат на кревкиот екосистем во оваа прекрасна земја.

повеќе

Турската влада има нови барања од социјалните медиуми и дигиталните платформи како што се Фејсбук (Facebook), Ватсап (Whatsapp), Инстаграм (Instagram) и Твитер (Twitter). 

повеќе

Баталете ги овие глупости со Бугарија, а Османи нека си фати патот до Брисел да земе обрасци за членство во ЕЕО и нека ги пополнат брзо.

повеќе