Студиска посета

Македонски пратеници во Талин ќе учат за безбедно е-Општество

„Вклучување на граѓаните во градење безбедно е-Општество" е темата на студиската посета на пратениците Зоран Илиоски, Татјана Прентовиќ, Ане Лашкоска, Агим Шаќири и Тања Ковачев кои од денеска до 8 ноември ќе престојуваат во Талин.

Студиската посета, финансирана од УСАИД, е во рамки на програмата на Меѓународниот републикански институт (ИРИ), Партнерството за демократија на американскиот конгрес и естонската е-Управување академија, а  вклучува и пратеници од Ерменија, Грузија и Украина.

За време на посетата, македонската собраниска делегација ќе има средби со претставници на естонската извршна и законодавна власт, ќе присуствува на интерактивни работилници од сферата на сајбербезбедноста и ќе се запознае со онлајн владините ресурси и комуникацијата меѓу граѓаните и нивната влада. Покрај естонските примери, работилници ќе одржат и кадри од Конгресот на САД кои ќе споделат искуства на е-Управување и комуникација со граѓани во САД.

Естонија повеќе години е лидер во е-Управување, при што 99 отсто од владините услуги се достапни онлајн. Државата има еден од најсофистицираните сајбербезбедносни системи во светот и софистицирана ИКТ средина со развиена претприемачка бизнис клима, која резултира со компании како Скајп. 

Го регистрираме името Јунајтед Маседонианс и тогаја сетне почнаме да прајме отворени Илинденцки пикници – македонцки илинденцки, не со Богарите. Сами ние Македонци и народо трна.

повеќе

Она она што го нудат медиумите во времето на ковид-19 покажа колку тие не се подготвени за да известуваат во време на криза, а кризите ги има сè почесто.

повеќе

Доколку нешто радикално не се промени, не можеме да очекуваме дека нашата економија брзо ќе се нормализира и ќе излезе од сегашната криза.

повеќе