МНР со упатство за новинарите

„Македонски јазик”, „македонска култура”, „македонски народ”…никако „северномакедонски”

По промената на уставното име на земјава во Република Северна Македонија, односно скратено Северна Македонија, Министерството за надворешни работи подготви упатство за странските новинари во согласност со Договорот од Преспа. 

МНР напоменува дека официјалното име на земјата е Република Северна Македонија, односно Северна Македонија, државјанството е македонско/граѓанин на Република Северна Македонија, официјалниот јазик е македонски, а кодовите за земјата се МК и МКД. 

Во патоказот се објаснува дека придавката „македонски” треба да се користи за етничкиот и културниот идентитет на граѓаните, за нашиот јазик, култура, наследство, територија и други атрибути, па се даваат примери како: македонски етнички идентитет, македонски јазик, македонска култура, македонска територија, македонски народ, македонска историја, македонски планини, македонска литература, македонска кирилица, македонска храна, македонски цркви и слично. 

Како погрешни зборови што не треба да се користат се споемнува „северномакедонец” во повеќе форми.

Во врска со официјалните органи и други јавни институции, како и приватни институции финансирани од државата, советот на МНР е да се именуваат „…на Република Севрна Македонија” или „…на Северна Македонија”. 

Како правилни примери се наведуваат Влада на Република Северна Македонија, Претседател на Северна Македонија, Министер за надворешни работи на Северна Македонија, Универзитетот „Св. Кирил и Методи” на Северна Македонија и слично, но никако „северномакедонски” како придавка во истите примери. 

Кризата на вредности влијае негативно на балансот помеѓу императивот за слобода и потребата за безбедност, стеснувајќи го либералниот простор на современо конципираните општества.

повеќе

Mора да се научиме како да ги градиме политиките кои ќе водат кон осврт на сите теми важни за градење позитивен мир, но и реторички да останеме конзистентни на она за што се залагаме.

повеќе

Во изминатите 24 години откако Македонија и САД воспоставија официјални дипломатски односи, македонско-американските трговски врски растат бавно, но сигурно.

повеќе