Европска комисија

Македонија лидер по фалсификувани алкохолни пијалаци испратени на пазарот на ЕУ

Царинските служби во Европската Унија спречиле влез на фалсификувани и опасни производи на европскиот пазар во вредност од 740 милиони евра во текот на 2018 година, соопшти денеска Европската Комисија.

Од нив, според Комисијата, фалсификуваните алкохолни пијалаци во најголем дел доаѓаат од Северна Македонија, а од Турција најмногу доаѓаат лажни козметички производи и парфеми, како и друг вид пијалаци.

Од Босна и Херцеговина најмногу пристигнуваат лажни пакувања, од Индија фалсификувани информатички опреми, а од Камбоџа фалсификувани цигари.

Кинеските производи кои пристигнуваат на европскиот пазар и натаму најмногу ги прекршуваат европските правила на интелектуална сопственост, прецизира Европската Комисија.

Исто така, зголемен е бројот на фалсификувани мобилни телефони, тонери, и други производи од Хонг Конг.

Најчесто задржувани предмети на европските граници биле производите за домашна нега како лекови, играчки и електрични направи во износ од 37 отсто, потоа цигарите со 15 отсто.

Од 57.433 во 2017 година, бројката на задржани производи на царина е зголемена на 69.354 во 2018 година. Вкупно околу 27 милиони предмети го прекршувале правото на интелектуална сопственост.

„Царинските службеници ширум ЕУ успешно следеа и задржаа фалсификувани производи кои се често опасни за потрошувачите, нивната работа е дотолку потешка што расте бројот на мали пакувања кои влегуваат во ЕУ преку онлајн продажба“, изјави Пјер Московиси, еврокомесарот задолжен за економија, финансии и царина.

МИА

Македонија во НАТО е заслуга на сите политички партии од  осамостојувањето на земјата, а не само ДУИ.

повеќе

„Каде да летнеме викендов е пристап што како таков повеќе нема да постои“...

повеќе

Зголемувањето на парите за финансирање на партиите не помагаат во поттикнувањето на политичката активност на граѓаните, туку веројатно и делуваат контрапродуктивно, зголемувајќи ја недовербата во партиите и политичарите.

повеќе