Протест пред Собрание

„Македонија блокира“: Нема да дозволиме предавниците да ни го променат името

Под засилно полициско обезбедување и со извици „предавници", „платеници", „изроди" започна денешниот протестот пред Собрание против уставните измени организиран од „Македонија Блокира" и „Тврдокорни".

„Сме биле Македонци и ќе останеме Македонци и нема да му дозволиме на никој да не менува, а особено не, на овие изроди кои седат во Собрание, ќе и порачам на полицијата дека ни ја делат улицата. Оваа е наша улица, не треба да ги брани тие 120 предавници. Го повикуваме и претседателот Иванов да дојде овде и да ни се приддружи и да протестира заедно со нас" – рече Драган Угриновски од „Македонија блокира".

Претседателот Иванов беше повикан и од Жарко Гроздановски, лидерот на „Христијанско братство“, бидејќи баш пред него лично Зоран Заев дал гаранции дека нема да го менува Уставот и името на Република Македонија.

„Ова е оној момент кога претседателот Иванов треба да повика вонредна состојба, доколку тоа не се случи денес или во наредните денови сакал или не влегува во листата на предавници", изјави Гроздановски.

„Започнува денот Д. Ова е првата фаза. Ако ова помине, има и втора фаза. Оваа марионетска власт не сака да го почитува народот. Дали треба да и дозволиме на оваа збирштина да избрише се што е македонско. Терористи, седат внатре. Ние сме решени да останеме свои на своето – рече претседателот на „Единствена Македонија", Јанко Бачев.

Бачев изјави дека доколку не успеаат со првата полесна фаза, следува втора потешка и посериозна фаза и дека член на „Македонија блокира" е на разговор со претседателот Ѓорге Иванов.

Од движењето „Македонија блокира", чии членови протестираат денеска пред собранието, побараа нивни претставници да влезат во парламентот за да разговараат со пратениците, како би им ги изложиле своите ставови против промена на уставното име, но и нивни претставник да се обрати пред пратениците на денешната седница во Собрание.

Во дипломатијата како гранка од јавно политичкиот живот професионалните кадри треба да бидат повеќе застапени од политичките.

повеќе

Апелирам до лидерите на партиите да не им „помагаат" на кандидатите.

повеќе

Во ерата во која сите напредни земји во светот престануваат со употреба на фосилни горива, ние отвораме нови наоѓалишта, наоѓаме оправдување за исцрпување на необновливите ресурси и за активирање на најголемата глобална закана за морската биолошка разновидност.

повеќе