Македонците од Бугарија го информираа Пендаровски за нивните активности

Претставници на ОМО „Илинден“ и на неколку други здруженија на Македонци од Бугарија денеска беа примени од претседателот Стево Пендаровски и го информираа за нивната работа и активности во областа на човековите права, промовирање на толеранција и градење на граѓанско општество.

Во однос на дијалогот со Бугарија, Пендаровски, како што соопшти неговиот кабинет, оценил дека почнува нова фаза, а двете страни искажуваат волја во насока на напредок на процесот. Тој смета дека е значајно секоја политичка институција во двете држави да даде свој придонес за решавање на отворените прашања.

На средбата претседателот Пендаровски информирал дека наскоро ќе оствари официјална посета на Република Бугарија, каде ќе има разговори со претседателот Румен Радев.

„Претседателот Пендаровски истакна дека Република Северна Македонија е насочена кон развивање на добрососедски и пријателски односи со Република Бугарија, во духот на Договорот за пријателство, добрососедство и соработка меѓу двете држави од 2017 година“, се наведува во соопштението од неговиот кабинет.

Колку и да сакаме Украинците да добијат целосна правда, на ерата на славни војни, несомнени победи и чисти порази ѝ дојде крајот. 

повеќе

Македонскиот народ мора да ја заштити автокефалноста на својата Македонска православна црква - Охридска архиепископија, како еден од носечките елементи на неговиот идентитет, од сите загрозувања од Фанар, од СПЦ и другите меѓународни црковни и други чинители. Време е за нов Македонски црковно-народен собир, како во 1945 година.

повеќе

Сите политичари и безмалку сите новинари во Македонија, се со став дека нема или поточно не е можен план Б во преговарањето за влез во ЕУ со Бугарија.

повеќе