По најновиот извештај

Македонците од Бугарија бараат Скопје да реагира до Софија по квалификациите на Советот на Европа - расизам и дискриминација

Во последниот извештај на мониторинг комисијата на Парламентарното собрание на Советот на Европа (ПССЕ) во рамките на пост-мониторинг дијалогот со Бугарија, констатирано е дека во Бугарија има расизам и дискриминација во однос на македонското малцинство во оваа земја. Здруженијата на Македонците од Бугарија за ова бараат реакција од македонските власти во рамките на Договорот за добрососедство и пријателство меѓу двете земји.

Собир на Македонци во Мелник, Бугарија

Еве што меѓу другото пишува во овој извештај: „Во политичкиот дискурс пости расистички и нетолерантен говор на омраза насочен кон Ромите, муслиманите, Евреите, Турците и Македонците. Ова продолжува да биде сериозен проблем во Бугарија. Бугарските власти треба да направат сериозни напори за систематски и безусловно осудување на говорот на омраза, вклучително и следењето на препораките од последниот извештај на Европската комисија против расизам и нетолеранција (ЕКРИ) за Бугарија...

...Загрижува и односот кон македонското малцинство, кое не е признато од бугарските власти поради строгата примена на формалните критериуми, иако оваа група постојано ја изразува потребата од заштита според Рамковната конвенција. Како резултат на тоа, во Комисијата за малцинства нема македонски претставник. Македонците не се вклучени во програмите што се однесуваат на етничките заедници и не добиваат каква било помош од државата за зачувување и развој на нивната култура и идентитет. Во училиштата не се изучува  македонскиот јазик или историја. Не е регистрирана ниту една македонска организација или партија. Нашите соговорници тврдеа дека има дискриминација против членовите на нивната заедница".

Македонците од Бугарија бараат реакција од македонската влада и прашуваат дали однесувањето на Бугарија е во духот на добрососедските односи. Дали политиката на Бугарија спрема македонското малцинство е во согласност со европските и меѓународните стандарди за заштита на човековите и малцинските права, прашуваат Македонците од Бугарија.

ЕУ треба принципиелно да реагира на отворениот национал-шовинизам на бугарскиот парламент, се вели во отвореното писмо на македонски академици и професори до европретставниците во Македонија.

повеќе

Нашиот процес на преговори многу веројатно ќе биде предмет на уште построги критериуми и мониторинг имајќи ги предвид искуствата на земјите кои во моментот преговараат. 

повеќе

На Македонија и Бугарија им треба дебата која ќе го унапреди историското разбирање без робување на идеологии, митологии и политики.

повеќе