ПОРАКА ОД МАКЕДОНЦИТЕ ОД АЛБАНИЈА

МАЕИ до Софија: Македонците во Албанија не се Бугари

Партијата Македонска алијанса за европска интеграција (МАЕИ) на денешната прес-конференција во Корча упати декларација до ЕУ во врска со делот од Извештајот за Албанија во кој стои дека „во Мала Преспа, Голобрдо и Гора постои бугарско малцинство“. 

„Партијата Македонска алијанса за европска интеграција истакнува дека малцинството што живее во овие простори и во цела Албанија е македонско малцинство, официјално признато во Преспа, иако не и во регионот на Голобрдо и Гора. 

Македонците во Албанија не се Бугари. Во Албанија живее македонско, грчко, српско-црногорско, влашко, ромско, бошњачко и еѓипќанско малцинство. Напорите за признавање на непостоечко бугарско малцинство во Албанија го сметаме како фалсификат на историјата и на вистината.

Во Албанија нема бугарско малцинство. Такво малцинство има во главите на бугарските официјални лица во Софија кои продолжуваат со антимакедонизмот како официјална политика за негирање на македонскиот народ во целина“, пишува во Декларацијата.

Според МАЕИ, Извештајот за интеграција на Република Албанија во ЕУ, одобрен од Европскиот Парламент, во делот каде се бара признавање на “бугарското малцинство во Преспа, Голо Брдо и Гора“ е сериозно кршење на меѓународниот закон, Универзалната декларација за човековите права и слободи, геноцид врз Македонскиот народ и злосторство против човештвото.

Партијата Македонска алијанса за европска интеграција бара од Бугарија да не измислува „Бугари“ таму каде што не постојат, туку да го признае македонското малцинство во Бугарија .

МАЕИ исто така бара од Брисел да не ги злоупотребува Македонците од Албанија како пречка на патот на Албанија во процесот за интеграција во Европската Унија. 

Измените во законот за минимална плата е трул компромис меѓу социјал-демократите и бизнис-лобито во Владата.

повеќе

Македонската јавност е во исчекување од најавата на министерот Оливер Спасовски дека МВР ќе ги истражува сите агенции за обезбедување поради поврзаност со рекетарство.

повеќе

Сите овие промашувања на Груевски имаат едно заедничко - дирекно ја загрозија државноста на Република Македонија.

повеќе