Извештај на Комитет за надворешни работи

Лондон: Русија сака дестабилизација на Западниот Балкан, на мета е и Договорот од Преспа

Русија е подготвена да стори сѐ што е во нејзина моќ за да предизвика дестабилизација на регионот на Западниот Балкан, кого ЕУ го запостави во последите 10 години, се оценува во Извештај на британскиот Комитет за надворешни работи.

Според авторите на документот, празнината што настана на Западниот Балкан со политиката на Европската Унија за запоставување на регионот, ја искористија и ја пополнија други меѓународни актери, како Русија, Кина и Турција.  

„Русија е подготвена да стори било што само за да го дестабилизира Западниот Балкан и неговиот пат кон стабилност и демократија. Тоа се гледа и во руската поддршка на обидот за државен удар во Црна Гора во 2016 година“, се наведува во извештајот.

Како што пренесува белградски „Блиц“, во текстот се потенцира дека постои стравување оти Русија ќе се обиде да го попречи договорот меѓу Грција и Македонија, како и дека константно ги поддржува „дестабилизирачките лидери во Република Српска“, сѐ што би можела да го дестабилизира кревкиот мир во Босна и Херцеговина. 

Вчера во интервју за грчкиот весник „Катимерини“ австрискиот канцелар Себастијан Курц изјави дека Западен Балкан за Австрија е клучен приоритет во нејзината надворешна и европска политика, како и за нејзиното претседавање со ЕУ и се заложи за итен прекин на пристапните преговори со Турција.

МИА

Во изминатите 24 години откако Македонија и САД воспоставија официјални дипломатски односи, македонско-американските трговски врски растат бавно, но сигурно.

повеќе

Оваа појава почнува да претставува сериозна закана за учениците, но и грижа за родителите и наставниците.

повеќе

Пробацијата претставува клучна новина во реформата на нашиот пенитенцијарен и казненоправен систем и приоритетна цел на владината политика.

повеќе