Левица: Наставниците и сега држат час

Левица соопшти дека ги поддржува просветарите во нивната борба. „Издржете, вие и сега држите час“, порача партијата и нагласи дека заканите со кратење од платите претставува дрско и селективно читање на законите, карактеристично за недемократски влади, наместо почитување на колективниот договор. „Веќе втора седмица трае штрајкот на воспитно-образовните установи. Место редовните часови, наставниците се принудени да одржуваат час по борба за работнички права“, наведе Левица.

„Власта, во нејзиното познато владеење на хибриден режим, се закани со неисплаќање на плати, бидејќи наводно, така било предвидено со Законите за основно и средно образование, ЗРО и Колективниот договор! Ваквото дрско и селективно читање на законите е сосема вообичаено за недемократската влада, затоа што наставниците ништо не бараат, туку токму тоа: почитување на колективниот договор, истиот тој, кој над деценија, се крши од грбот на воспитно-просветните работници!

На воспитувачите и на наставниците одамна им е јасно што се случува и како се поткопува образовниот систем, со цел дополнително класно раслојување и продлабочување на социјалниот јаз во ова до темел гнило општество, а веќе им станува јасно и на родителите. Никаде во светот не постои квалитетно образование без квалитетно вреднување на трудот.

Нашите деца заслужуваат многу повеќе и подобро од тоа што до денес го сервираат политичките кујни на безочните трговци кои во континуитет, со измами и манипулации ја узурпираат власта со единствена цел истата да биде инструмент за нивно богатење и за дополнително урнисување на работничката класа. Образованието е мостот по кој работникот мора да помине за да се издигне во социјалниот дијалог како рамноправен соговорник. Затоа го поткопуваат, го минираат и уриваат“, се вели во соопштението на Левица.

Партијата наведува дека додека СДСМ беше во опозиција, тогашната пратеничка на СДСМ и доскорешна министерка за образование, Мила Царовска, тврдеше дека со опструкциите на правото на штрајк на просветните работници, се гази Уставот и правата на работниците, според Конвенцијата на Меѓународната организација за труд.

„Ова сведочи за лицемерието, манипулациите и уцените и на сегашната власт на чело со СДСМ како и за лицемерието, манипулациите и уцените на денешната опозиција, тогашна власт, предводена од ВМРО-ДПМНЕ“, нагласува Левица. 

Во новите предлози се направени само формални, но не и суштествени промени, во однос на претходниот предлог (кој Владата го нема објавено).

повеќе

Енергетската криза во светот, но и во Република Македонија (РМ), не стивнува иако сме на почеток на летото кога вообичаено има помала потрошувачка на енергија кај нас. 

повеќе

Самостојните уметници не се доволно мотивирани да создаваат. 

повеќе