Прес-конференција на СДСМ

Кузеска: Пред шпицниот градоначалник даваат отчет, а бараат пари од Владата

„Видовме дека наместо пред граѓаните, градоначалниците од ВМРО-ДПМНЕ даваат отчет пред својот партиски шеф Христијан Мицкоски. Згора на сѐ, градоначалниците од ВМРО-ДПМНЕ удрија по џебот на граѓаните, поскапувајќи ги услугите на јавните претпријатија под надлежност на општините.Истите тие претпријатија за кои се тепаат за тендери, ги преполнија со партиски кадри од ВМРО-ДПМНЕ, за потоа градоначалниците да бараат пари од Владата“, рече портпаролката на СДСМ Богданка Кузеска.

„Освен што им ги видоа рацете во медот и кавгите за тендери, граѓаните не видоа ништо од работата на градоначалниците од ВМРО-ДПМНЕ во изминатата една година. ВМРО-ДПМНЕ е локална власт во над 50 општини и после цела една година заклучокот е тој: нема нови проекти за граѓаните, нема напредок на општините, има само шпицен градоначалник околу чии интереси се врти буквално сѐ“, рече Кузеска.

Таа нагласи дека наместо пред граѓаните, градоначалниците од ВМРО-ДПМНЕ даваат отчет пред својот партиски шеф Христијан Мицкоски и дека токму тој оди на сечење ленти на некои игралишта и прави некакви увиди, па и дека дава изјави во нивно име.

„Градоначалниците на ВМРО-ДПМНЕ пак немаат никаков срам, одговараат пред Мицкоски понизно. Граѓаните не им се важни воопшто. На партиски настани, се даваат партиски отчети, наместо на општински настани да се даде отчет пред граѓаните. Исто како во времето на Никола Груевски. Дури видовме дека и лично Мицкоски е тој кој во име на градоначалници преговара за набавка на автобуси, се меша во тендерите. Со тоа, Мицкоски ја потврди улогата на шпицен градоначалник на секој општина каде ВМРО-ДПМНЕ е локална власт“, рече Кузеска.

Таа додаде дека токму за тоа изби и кавгата, за тендер од 136 милиони евра за пречистителна станица во Скопје.

„Згора на се, градоначалниците од ВМРО-ДПМНЕ удрија по џебот на граѓаните, поскапувајќи ги услугите на јавните претпријатија под надлежност на општините. Истите тие претпријатија за кои се тепаат за тендери, кои ги преполнија со партиски кадри од ВМРО-ДПМНЕ, за потоа градоначалниците да бараат пари од Владата. ВМРО-ДПМНЕ покажа дека се уште е истата нерефермирана партија која ги има поклопено општините, ги има партизирано локалните самоуправи и одработува за интересот на Мицкоски. Партија на која не и се битни граѓаните, туку само личното богатење на одредена група луѓе. Една година општините предводени од ВМРО-ДПМНЕ стагнираат а за тоа вината е кај шпицниот градоначалник Христијан Мицкоски“, рече портпаролката на СДСМ.

Трендот на заминување на младите од родната земја е загрижувачка појава која се случува во Македонија.

повеќе

Калоѓера не може да премолчи, не може да замиже пред историската вистина на Македонија, па затоа во својот живот се определил да македонствува.

повеќе

Слушањето како способност да го фокусираме вниманието на аудитивните дразби е важен аспект на нашиот живот и значително влијае на неговиот квалитет во сите сегменти.

повеќе