Како одговор на новинарско прашање Кузеска рече дека договорот со Алтернатива е заокружен и дека наскоро ќе биде реализиран, а дека веќе се познати и ресорите во кои таа партија ќе ја преземе одговорноста.
Во однос на предвремени парламентарни избори, Кузеска истакна дека ставот на СДСМ е јасен и дека сега не е време за предвремени избори.
„Нема потреба за предвремени избори, сега е време за одговорност, во поглед на решавањето на предизвиците пред кои сме исправени, особено енергетската криза и пандемијата со коронавирусот“, одговори портпаролката на СДСМ на прашањето дали сепак се можни предвремени избори.
Kузеска во рамки на темата на прес-конференцијата рече дека македонската економија е стабилна и дека стандардот на граѓаните ќе биде заштитет преку замрзнатите цени на основните прехранбени продукти.
Портпаролката најави дека во текот на следната година ќе има раст на минималната плата.
