Прес-конференција на ВМРО-ДПМНЕ

Ковачки: Заев, ајде на избори

Заев, ајде на избори, тоа е пораката до него доколку и самиот верува во веселите математики на Социјалдемократскиот сојуз, изјави Драган Ковачки, член на раководството на ВМРО-ДПМНЕ. Тој рече дека ниту Заев, ниту партијата што ја води, не мижат да бидат решение за проблемите во кои ја внесоа земјата. „Граѓаните со над 50.000 гласови разлика на советничките листи се изјаснија за ВМРО-ДПМНЕ и новата ситуација на терен, преку нови парламентарни избори, мора да биде застапена во Собранието, со цел земјата да има стабилна влада“, рече Ковачки.

„Зоран Заев ја заглави државата во систематска криза - енергетска, здравствена и економска. Зоран Заев и владата се причината за сите неуспеси кои нѝ се случуваат изминативе години, и тие не може да бидат решение. Од ковид-19 починаа над 7.000 луѓе, имаме најголема смртност во Европа, 14 луѓе живи изгореа, вакцини немавме, над 60.000 луѓе останаа без работа, 5.600 фирми ставија клуч на врата, Македонија е на врвот на листата по перцепција за корупција на Транспаренси. Државата тоне со СДСМ“, рече Ковачки и оцени дека народот на локалните избори се изјаснил за промени, давајќи ѝ поддршка на ВМРО-ДПММНЕ

Според него, изразената волја на народот најдобро ќе се ефектуира со нова прераспределба на силите во Собранието, преку нови предвремени избори и нова влада предводена од ВМРО-ДПМНЕ.

Ковачки наведе дека се потребни брзи избори бидејќи земјата е во енергетска, економска и во здравствена, како и со цел да се забрза евроинтеграцискиот процес.