ВМРО-ДПМНЕ

Ковачки: Дали Шекеринска знаела дека има безбедносна пречка при номинацијата на воен претставник во НАТО?

Шекеринска и Пендаровски да не се кријат зад партиски соопштенија зад СДСМ и да одговорат кој и зошто ги прекршил процедурите при номинациите за воен претставник на Македонија во НАТО во Брисел. Земјата ја понижувате и срамите заради вашиот аматеризам. Ова е блам пред НАТО и Шекеринска и Пендаровски треба да сносат одговорност, изјави Драган Ковачки, член на ИК на ВМРО-ДПМНЕ.

„Тие двајца ја понижуваат и Македонија и Алијансата, со самото тоа што две ипол години немаме наш воен претставник во НАТО. Четири години сте власт во државата, а се однесувате како да сте опозиција. Јавноста мора веднаш да добие одговор на прашањата:

Дали Шекеринска знаела дека постои безбедносна пречка за лицата што ги номинирала, и ако знаела, зошто го довела во заблуда претседателот на државата да дава согласност и да ја срами државата пред нашите сојузници? Дали Пендаровски ќе побара одговорност од Шекеринска, затоа што го довела во заблуда или ќе си одмолчи и релативизира? Ако не е запазена процедурата за избор, зошто не е, и кој е тој, односно таа што е над процедурите за да може да одлучува по сопствено, односно партиско убедување?

Ќе упатам и прашање и до СДСМ: Кој ве повика да давате одговори во име на Министерството за одбрана и на претседателот на државата? Каде почнуваат, а каде завршуваат надлежностите на партијата и каде почнуваат и каде завршуваат надлежностите на министерството?

Неодговарањето на прашањата од страна на институциите, е класично непочитување на демократските принципи за отчетност и одговорност и тоа во многу говори за капацитетот на лицето што ја води институцијата.

Бараме одговорност од Шекеринска и Пендаровски. Во секоја друга НАТО членка до сега ќе имавме оставка од министерот за одбрана. Одговорност веднаш. Оставка на Шекеринска веднаш“, изјави Ковачки.

Богатите држави мораат веднаш да донираат вакцини против ковид-19 на загрозените држави. 

повеќе

Можеби ни треба регистар на погрешни перцепции на граѓаните за криминалот и корупцијата во државата.

повеќе

Младите бараат подобар живот надвор од државата, бидејќи доаѓаат до заклучок дека приватните компании и странските организации им пружаат поголема поддршка и повеќе ги вреднуваат отколку сопствената држава.

повеќе