Заедничка македонско-бугарска владина седница

Ковачевски: Со Кирил сакаме ексел табели, рокови и остварување

Кирил и јас важиме за луѓе кои сакаат „ексел” табели, сакаме рокови и остварување. Ќе бидеме тука и ќе учествуваме во работата на се она што ќе се прави и сакаме барем еднаш неделно работните групи да информираат за напредокот, порача премиерот Димитар Ковачевски пред почетокот на заедничката македонско-бугарска владина седница во Софија.

Посакувајќи им среќа на работните групи, Ковачевски кажа дека денеска ќе се работи на теми како што еинфраструктурата, коридорот 8, патаната и железничката поврзанот, поврзување на образованието, зголемување на мобилноста на студентите, размена на идеи, на знаење… Истовремено најави соработка на државните универзитети. 

„Да покажеме пред Европа дека на Балканот може и треба да се соработува и да бидеме пример на соработка”, рече Ковачевски во обраќањето. 

За бугарскиот премиер Петков голема надеж дава фактот дека ова што се постигнува е за втора недела од заедничката работа. 

„Односите пред нашата средба во Република Северна Македонија ни беа на многу ниско ниво, но тоа што го постигнавме за втората недела од заедничката работа ми дава надеж. Тоа што дојдовте со толку министри во сите сфери го покажува патот по кој ќе одат нашите односи. Најважно за политиката е да се развива за доброто на двата народи. Нема ништо подобро да работат заедно, да зборуваме за европската интеграција и да ги следиме внимателно општите теми,  вклучувајќи ја историјата, човековите права, работите кои се важни за евроинтеграцијата”, рече Петков.

Според него, нема ништо подобро од тоа да се работи заедно, да има отворена економија, инфраструктура, да имаме заеднички календар.

„Кај мене има голема надеж, очекувам денеска да има реални резултати, реални спогодби во секоја од сферите. Верувам дека овој дијалог ќе ги замени национализмот, јазикот на омраза, дискриминација…Сакам да ви посакам добра работа, и сакам да ви порачам дека и во Бугарија и во С Македонија луѓето очекуваат реални резултати“, порача Петков.

 Од Софија, Жана П.Божиновска

Економската криза е лоша во сите сфери на живеењето, но од неа можеме и да научиме по нешто.

повеќе

Во саботата во јавноста го претставивме предлог-ребалансот на Буџетот за 2022 година, откако истиот беше усвоен од страна на Владата.

повеќе

Наспроти сесловенскиот и општоевропскиот карактер на нивната дејност, Кирил и Методиј станале објект на присвојувања уште од средниот век.

повеќе