Бугарија задоволна од одлуката на Тирана

Ковачев: Признавањето бугарско малцинство во Албанија не ја загрозува Македонија

Сега, по толку многу години, вратена е историската правда, изјавија бугарската вицепремиерка и министерка за надворешни работи  Екатерина Захариева и европратеникот Андреј Ковачев за одлуката на Парламентот на Албанија да признае бугарско национално малцинство во земјата. 

„Во Нацрт-законот недостигаше бугарското малцинство, признаени беа осум малцинства. Вложивме многу напори за тоа“, објаснува Захариева.

Според неа, најважната работа е една демократска држава која сака да стане членка на ЕУ, да не ги спречува луѓето да се идентификуваат самите во случај кога се идентификуваат како Бугари и кога има исотриски факти, пренесува агенцијата „Фокус“.

„Му се заблагодарувам на бугарското малцинство во Албанија за тоа што за еден ипол месец собра околу 3.000 потписи“, вели Захариева и додава дека во Албанија има 4-5 регистрирани здруженија на Бугари.

Захариева уште потсетува дека има договор меѓу Албанија и Бугарија уште од 1932 година за признавање на бугарско малцинство, ама, за жал, како што вели, не стапила на сила и потпишувањето не е финализирано.

Освен Захариева, за законот говореше и европратеникот Андреј Ковачев кој напоменува дека бугарското малцинство во Албанија живее Голо Брдо, Мала Преспа, Гора, Видиште, Врбник и други албански села и градови.

„Тие зборуваат бугарски јазик, се разбира дијалект, кој за некои од нас е можеби архаичен, но важно е дека ја знаат својата семејна историја, кои биле нивните татковци и дедовци. Ние никогаш не сме рекле дека оние кои се чувствуваат етнички Македонци тоа да не го кажат. Тие се исто така спомнати во законот.

И покрај пропагандата на организации во Албанија, спонзорирани од Скопје, ние никогаш не сме барале да биде тргнато името „македонски“, зашто тоа е одлука на секој граѓанин, како се определува“, вели Ковачев.

На прашањето за реакцијата во македонските медиуми за признавањето на бугарско малцинство во Албанија, тој изјави дека оваа одлука на никој начин не ја загрозува Македонија.

„Ако некој се чувствува како етнички Македонец, тоа е негово право. Но, треба да се остави оној кој се чувствува како Бугарин и ја знае својата историја, да се чувствува како Бугарин“, вели Ковачев.

 

Македонија сѐ повеќе заглавува во сиромаштија чија стапка изнесува скоро 22 отсто од вкупното население, речиси една третина од децата живеат во сиромаштија.

повеќе

Дали поновите, посјајните и посложените нешта автоматски значи дека се подобри? Всушност, најчесто вистината е спротивна на тоа.

повеќе

Сознанијата за степенот на местенки во судството неминовно го наметнува прашањето дали има местенки и во високото образование.

повеќе