Повик за протестот во Атина

„Комитите ни се пред врата. Ѝ требаш на Македонија. Сега сите заедно“

Во Атина веќе се делат летоци со повик за учество на митингот закажан за 4 февруари. На еден од тие летоци „комитите од Македонија“ се прикажани како една голема закана, крволочна мечка (на времето грчките андарти комитите ги нарекувале „мечки“) и грчкиот народ како со нож ја коле мечката. „Ѝ требаш на Македонија. Сега сите заедно“, пишува на летокот на кој неколкумина Грци заедно држат еден огромен нож со грчко знаме насочен кон мечката.

Грчката православна црква и официјално соопшти дека ќе го поддржи протестот во Атина против политиката на Сириза и на премиерот Алексис Ципрас, кој изрази подготвеност да дозволи во името на северниот сосед да биде содржан и терминот „Македонија“. Црквата веќе направила распоред кои владици ќе присуствуваат на протестот во Атина. Според организаторите, на бината еден од главните говорници ќе биде познатиот грчки композитор Микис Теодоракис.

Организацијата на митингот е испланирана до најмалите детали, па предвидени се автобуси што и од најдалечните села ќе ги носат Грците што се против каква било употреба на името Македонија во соседната држава. Се споменува и некоја бројка од можно учество на 500 илјади луѓе.

Во вторникот две организации, независно една од друга, побарале дозвола за одржување протест од градските власти на Атина. Градот сепак одлучил правото на организација на протест на 4 февруари да ѝ го даде на Пан-македонската организација.

Протестот е закажан за 13 часот на 4 февруари.

Можеби поради еуфоријата што ја донесе туризмот - и желбата на самите жители на Грција да уживаат во одморите - пошироката јавност беше подготвена да ги толерира дневните бројки на новозаразени (во просек помеѓу 2.000 и 3.000 случаи во текот на летото). 

повеќе

Насловот асоцира и на резултатите од изборите, кои, кога ќе излезе оваа колумна, ќе бидат познати, иако најретко споменуван збор во кампањата беше зборот ДЕЦЕНТРАЛИЗАЦИЈА, кој е единствен начин за остварување на сите „големи“ ветувања што ги слушнавме изминативе две недели.

повеќе

Опонентите на академик Блаже Ристовски во Македонија го квалификуваа како националист, во белградскитe кругови  го именуваа како „бугарофил“, а во Бугарија го нарекуваа „Југословен“ и „србокомунист“. А тој си остана ист, исправен пред нападите и секогаш подготвен да им одговори на критичарите.

повеќе