СОБРАНИЕ

Комисијата за политички систем гласаше за измените во Законот за јазиците

Собраниската Комисија за политички систем денеска гласаше за Предлог законот за употреба на јазиците. За опозициската ВМРО-ДПМНЕ евентуалното усвојување на овој закон ќе значи  целосна двојазичност и федерализација на Република Македонија.

Пратеникот на ВМРО-ДПМНЕ Антонио Милошоски смета дека овој закон е неуставен и дека ќе ја зголеми недовербата меѓу Македонците и Албанците, а ќе доведе и до дискриминација кај помалите етнички заедници.

За независниот пратеник Ферид Мухиќ во измените на законот нема ништо спорно и дека тие се во склад со член 5 од Уставот вокој се вели дека јазикот што го зборуваат најмалку 20 проценти од граѓаните исто така е службен јазик.

Овој закон треба да се усвои со консензус, смета пратеникот на Беса Африм Гаши.

„Треба да имаме заеднички заклучок од сите политички партии и ова прашање да се затвори еднаш и засекогаш. Решавањето на овој проблем е од државен интерес. Употребата на албанскиот јазик како службен ќе ја зајакне стабилноста на државата, ќе се зближат граѓаните и тоа ќе биде добро за целото општество“, смета Гаши.

Шпреса Хадри од ДУИ смета дека Предлог-законот е од исклучително значење затоа што станува збор за едно универзално право кое луѓето треба природно да го уживаат.

Предлог законот за употреба на јазиците е на дневен ред на денешната седница на Собранието на Република Македонија.

За новите законски решенија за употребата на јазиците претходно гласаа и членовите на собраниската Комисија за европски прашања.

Еден проблем кај Трамп е тоа што му е опсесија да изгледа „силен".

повеќе

Меѓу најпосетените места во градот сѐ уште на прво место и меѓу главните мотиви поради кои доаѓаат туристите во Крушево е вечното почивалиште на Тоше Проески, спомен куќата изградена во чест на него, Манастирот Св. Преображение и многу други.

повеќе

„Москва се труди да протурка слика за себе како благонаклонет партнер и заштитник на сувереноста и на православното христијанство антитеза на Западот што 'цело време се меша таму кај што не му е местото'.

повеќе