Што покажаа снимките објавени од Чикаго

Кој уште прислушува? „Бомбите“ на Ел Чека покажаа дека се прислушува и по основањето на СЈО

Според содржината на разговорите на дел од „бомбите" на Ел Чека, објавени на фејсбук-профилот на лице од Чикаго, може да се заклучи дека некој и натаму прислушувал разговори на високи државни функционери и по основањето на Специјалното јавно обвинителство и ОТА.

Ел Чека отворено вели дека има повеќе од 6.000 аудио снимки добиени од ocyдените членови на „кумановската група“ кои се наоѓаат во затвop.

СЈО и ОТА беа формирани токму со цел да се прекинат злоупотребите направени во државните органи во однос на следењето и незаконското снимање на разговори на високи државни службеници и партиски раководители. Во дел од „бомбите“ на Ел Чека има содржина која се однесува на теми по формирањето на СЈО и ОТА. Ова отвора сомнеж дека некој тука и натаму прислушува.

Најголем дел од новите снимки од прислушувани телефонски разговори наводно се однесуваат на функционери, членови на ДУИ. МВР ветува темелна истрага за тоа дали и кој прислушува и додава дека нема нелегално прислушување со државните системи.

Повторно се отворија дилемите за тоа кој поседува апарати за следење на комуникациите, но и како се користат државните системи за прислушување.

Денеска Ел Чека во видео обраќање преку фејсбук-профилот вели дека снимките ги добил од осуденици во случајот Диво Насеље и дека нема да престане со објавување на снимки сѐ дури не се отвори меѓународна истрага за кумановските настани.

Ел Чека кој е по потекло од Кичево, а живее во Чикаго, не го крие својот идентитет и постојано објавува лични фотографии на својот фејсбук-профил. Тој во последното видео вели дека ќе ги објави сите „бомби“ кои ги поседуваат, сѐ додека не се расветли случајот во Куманово.

Навивачите на Шкендија, „балистите“, уште еднаш ќе навиваат против земјата во која живеат. Овојпат нивната поддршка ќе ја има Косово, кое на 26 март во Скопје ќе излезе на исклучително важен дуел против Македонија.

повеќе

Не ми се верува дека кај нас некој си одбор дебатирал и одлучувал за ова ребрендирање. Повеќе ми личи на пост-празнична летаргија.

повеќе

Потребна е промена на Законот за влада и на Изборниот законик, со која ќе се воведе правилото избор на автентична техничка влада која би владеела за време на изборниот процес, од распуштањето на парламентот до формирањето нова влада односно за време на изборната кампања.

повеќе