Според стенограмите од лидерските средби во Скопје

Катимерини: Ципрас се согласил брзо да ги признае македонскиот идентитет и македонскиот јазик

Грција се согласила брзо да ги признае македонскиот идентитет и јазик, а Ципрас во јануари изгледаше мошне заинтересиран за брзо завршување на договорот со Македонија за да може по летото да се кандидира за избори, со склучен договор за името и Грција спасена од должничката криза, велат стенограмите од македонските лидерски средби за преговорите со Грција пред да биде потпишан договорот за името, до кои дошол грчкиот весник Катимерини.

Стенограмите од лидерските средби во Македонија пред потпишувањето на Преспанскиот договор во јуни укажуваат дека македонските лидери сметале дека договорот полесно ќе се потпише со левичарската влада во Грција.

Со двете лидерски средби на 27 јануари и 19 мај во Скопје претседаваше претседателот Ѓорге Иванов, вели Катимерини. Првата лидерска средба се одржа помалку од две недели пред да почнат преговорите под покровителство на специјалниот претставник на Обединетите нации, Метју Нимиц, додека втората беше свикана кога се вртеше името „Илинденска Македонија“.

Според стенограмот од средбите, од кои мали извадоци на 19 мај објави германскиот весник Франкфуртер алгемајне цајтунг, повеќето елементи од Преспанскиот договор веќе биле договорени, со исклучок на името.

Стенограмот открива и дека во јануари Македонија не дискутирала за грчкото барање за уставна ревизија, додека употребата на името, внатрешно и на меѓународно ниво, била предмет на дискусија. Договорот за обете прашања бил постигнат до мај, непосредно пред склучувањето на преговорите.

Во стенограмот се нагласува дека Грција се согласила брзо да го признае македонскиот идентитет, а веднаш потоа и македонскиот јазик. Премиерот Алексис Ципрас во јануари изгледаше мошне заинтересиран за брзо завршување на договорот со Македонија, вели Катимерини, за да може по летото да се кандидира за избори, со склучен договор за името и Грција спасена од должничката криза.

Меѓутоа, до мај, овој наратив стивна. Во однос на Неа демократиа, стенограмот од јануарската средба покажува дека нејзината реакција на договорот би можело да биде позитивна. Сепак, ова се смени до мај, кога македонскиот лидер изјави дека договорот не може да биде постигнат со влада на Неа демократиа. И двете средби покажале голем јаз меѓу Иванов и владата на Заев, вели Катимерини.

Средбите, исто така, покажале дека постои загриженост од опасноста од руското мешање за да не се постигне договор за името со Грција.

(Текстот е одговор на колумната „Сите нации се модерни конструкти" од д-р Љубица Спасковска објавена на МКД.мк, 1 август)

повеќе

На мојот пријател, овчарот Митко му реков: „Дојде време ти, јас, сите граѓани на Македонија да си го вратиме суверенитетот на оваа наша држава".

повеќе

Неопходно е да се допрецизира законот со што би се овозможило одреден дел од финансиски средства да се пренасочат кон делот на општествена одговорност на приредувачите на игри на среќа со цел подобрување на спортската инфраструктура.

повеќе