Локални избори

Кандидатите за градоначалник на Центар Жупа одржаа митинзи и меѓу печалбарите во Италија

Двајцата кандидати за градоначалник на Центар Жупа, Аријан Ибраим и Неваип Исмаил, своите изборни програми ги претставија и во Италија пред своите сограѓани, кои живеат и работат таму. 

Според изборните штабови на кандидатот Арјан Ибраим од ТДП и Неваип Исмаил од ТХП-СДСМ, на митинзите во областа Венето, каде што има најголем број печалбари од општина Центар Жупа, над четири илјади, двајцата кандидати ја претставиле својата изборна програма, а воедно и ветиле поповолни услови за инвестирање на печалбарите во својот роден крај.

Во нивните изборни програми се најавува економски развој на Жупа, што би условило враќање на дел од печалбарите во родниот крај, пренесе МИА.

Аријан Ибраим, кој на оваа функција беше во изминатите четири години, предлог е на ДПТ, која е дел од коалицијата предводена од ВМРО-ДПМНЕ.

Неваип Исмаил, пак, беше прв градоначалник на општина Центар Жупа по територијалната поделба и осамостојувањето на општината.Тој е предлог на ДХП,која е дел од коалицијата преводена од СДСМ. 

Според здруженијата на печалбарите од Жупа во Италија, на сите локални избори од Италија на организиран начин доаѓаат голем број печалбари. Нивното учество е клучно за резултатите на локалните избори, велат претставниците на здруженијата на печалбарите.

На локалните избори на 15 октомври, за место во 11-члениот општински совет кандидатски листи имаат пет политички субјекти. Во оваа општина ќе се гласа на 16 избирачки места, а право на глас имаат над шест илјади граѓани.

Меѓу најпосетените места во градот сѐ уште на прво место и меѓу главните мотиви поради кои доаѓаат туристите во Крушево е вечното почивалиште на Тоше Проески, спомен куќата изградена во чест на него, Манастирот Св. Преображение и многу други.

повеќе

„Москва се труди да протурка слика за себе како благонаклонет партнер и заштитник на сувереноста и на православното христијанство антитеза на Западот што 'цело време се меша таму кај што не му е местото'.

повеќе

Да можеме Благуна да ја прашаме за нашите јадови околу текстот од Нивици, би ја зачудиле.

повеќе