Каменос: Договорот од Преспа нема никогаш да се имплементира

Коалицискиот партнер во грчката Влада, Панос Каменос, не отстапува од неговиот став дека Македонија нема да стане членка на НАТО, а Договорот од Преспа нема да се имплементира.

Грчката новинска агенција АНА-МПА јавува дека, Каменос пред грчките новинари во Брисел, рекол дека Договорот од Преспа нема никогаш да се имплементира затоа што тој лично смета дека нема да помине ниту во Собранието, ниту на референдумот.

„Може да собираат покани и да се сликаат, но во НАТО нема шанси да влезат сѐ додека го користат терминот Македонија“, ја пренесува грчката агенција изјавата на Каменос.

На прашањето кога ќе се одржат избори во Грција, тој изјавил дека не треба да очекуваат избори, бидејќи „сѐ додека скопското прашање не е дојдено во Парламентот, изборите ќе се одржат на крајот од четиригодишниот мандат“.

Информативниот портал „Ин“, коментира дека дел од ставовите на Каменос се спротивни на официјалните соопштенија, а дел се неточни, јавува МИА од Атина. 

„Претседателот на Независни Грци, со неговата омилена тактика, се обиде на малкумината што сѐ уште го следат, да им презентира една ‘алтернативна реалност‘. Па така, ни помалку ни повеќе, спротивно на официјалното соопштение на Генералниот секретар на НАТО, негираше дека ПЈРМ ќе се интегрира во НАТО со името Северна Македонија“, пишува грчкиот информативен портал и додава дека Каменос, кога изјавил дека „договорот нема да помине во Собранието на ПЈРМ“, заборавил на еден мал, но не и неважен детал, дека пратениците веќе го изгласаа договорот.

 

Не е во прашање само Русија VS Западот. Има нов играч на масата.

повеќе

Ако на референдумот на 30 септември македонските гласачи изгласаат да се смени името на нивната држава во Северна Македонија, НАТО треба да ја покани нивната влада во Алијансата.

повеќе

Паметам како вчера да беше: пред самиот распад на Југославија, по локалните пазарчиња на таа земја нагло се расшетаа сомнителни типови што шиткаа лажњаци на статусниот симбол на мојата генерација - славните фармерки „петсто кец”. 

повеќе