Прес-конференција на портпаролот на СДСМ

Каевски вели дека СДСМ ја унапредува слободата на медиумите

Портпаролот на СДСМ Дарко Каевски на прес-конференција на партијата насловена како: Ја унапредуваме слободата на медиумите, напредок за 33 места на листата на Репортери без граници“, рече дека овој скок е доказ за успешните политики на СДСМ и на Владата.

Каевски рече дека заштитата на слободата на изразување и медиумските слободи се еден од важните приоритети за Владата предводена од СДСМ и дека од првиот ден од мандатот се посветени на градење слободно општество каде правата и слободите на новинарите, на медиумите, се неприкосновени.

„Доказ за успешноста на тие политики се и извештаите на реномирани меѓународни организации. Од 90-тата, сега сме на 57-тата позиција на листата, далеку пред многу држави од нашето соседство. За разлика од времето на 11 годишниот режим кога бевме категоризирани како заробена држава, кога се апсеа новинари и се затвораа медиуми, денес Северна Македонија постојано напредува кога станува збор за слободата на медиумите. Институциите денес се многу повеќе транспарентни, а новинарите слободно ја вршат својата работа“, рече Каевски.

Тој додаде тоа за СДСМ и Владата е дополнителен мотив уште повеќе да ја штитат и унапредуваат слободата на говорот и изразувањето.

„Нека е честит 3 мај – Светскиот ден на слободата на медиумите“, рече на крајот партискиот портпарол.

Минатата недела во јавноста се актуелизираше дискусијата за концептот на даночната реформа.

повеќе

Војната во Украина ја разоткри вистината за Русија, но и вистината за Европа. 

повеќе

Несанкционирањето на овој говор доведува до повторување, ширење и злоупотреба на овие аномалии како еден вид „нормализиран“ начин во политичката борба против поединци и групи со различни мислења.

повеќе