Реакција

Јанушев: Прифатеното обвинение за „Талир“ е обид за политички притисок врз ВМРО-ДПМНЕ

„Фабрикуваното обвинение за случајот Талир кое според информациите во медиумите е прифатено од Кривичниот суд е уште еден обид за груб политички притисок за брутално замолчување на ВМРО-ДПМНЕ во пресрет на уставните измени за промена на името и идентитетот", изјави генералниот секретар на ВМРО-ДПМНЕ, Игор Јанушев. 

Тој во реакцијата дополнува дека СЈО по директива на власта создава механизми за пазарења, уцени и притисоци врз ВМРО-ДПМНЕ за да ги прифати уставните измени, кои за партијата, како што вели, по ниту една цена не се прифатливи.

„Случајот „Талир" е чиста политичка конструкција, која нема врска со правото, туку со политиката на Заев за уцени и притисоци. Власта соочена со неприфаќањето на граѓаните на уставните промени се обидува со секое можно средство да ја угуши секоја критична мисла и сила која се спротивставува на антидржавните политики на СДСМ и Заев, кои одат во спротивност со македонските национални интереси. Промената на името и договорот со Грција не поминаа на референдум, па сега се обидуваат на секој можен начин да дојдат до пратеник плус за да покажат некаков вештачки легитимитет на она што нема никаков легитимитет од народот - промена на името. Случајот Талир е директен доказ дека СЈО и Кацарска судството се само неми извршители на наредбите на Заев и СДСМ кои имаат за цел да ја зацрнат и уништат државата", вели Јанушев.

Тој додава дека Кацарска судството е под целосна контрола на власта и се користи за политички притисок против опозиционото делување на ВМРО-ДПМНЕ.

„Замрзнувањето на партискиот имот како и прогонот на десетици илјади членови на партијата е показател дека власта не сака опозиција, дека власта не сака некој да се спротивставува на нејзините антидржавни политики и и пречи секој елемент со државотворна македонска определба на политичката сцена. Притисоците и заканите кои ги спроведува СДСМ преку СЈО, Кацарска судството и Русковска обвинителството ќе доведе до преиспитување на ставовите на ВМРО-ДПМНЕ за нашето понатамошно институционално делување", се вели во реакцијата на Јанушев.

Деновиве Владата донесе одлука за формирање на ново министерство. А и така, по глава на жител, верувам, рекордери сме по министерства и министри. Оттука, размислував зошто да не предложам да се формира уште едно – за „спречување автоголови".

повеќе

Денес, кандидати за политички функции се луѓето. Утре, тоа ќе го прават интелигентни машини. И, тие може и ќе победуваат, како што расте незадоволството на граѓаните од човечките политичари.

повеќе

Еден од начините на промовирање подобри меѓуетнички односи помеѓу децата е овозможување подолготраен контакт помеѓу нив што ќе овозможи создавање значајни индивидуални врски помеѓу децата.

повеќе