Јанева: Груевски и Ахмети не дошле на распит во СЈО, засега се осомничени

Лидерите на политичките партии ВМРО-ДПМНЕ и ДУИ, Никола Груевски и Али Ахмети, кои Специјалното јавно обвинителство ги сомничи во случајот „Попис“, досега не дошле на распит, но кога ќе треба, според законските прописи, ќе бидат повикани, информираше специјалната јавна обвинителка, Катица Јанева.

„Во оваа фаза тие се осомничени, а според доказите и снимките кои ги имаме се алудира на нивна кривична одговорност. Освен тоа, и Прибе кажа дека секој треба да понесе кривична или политичка одговорност за она што го сторил“, рече Јанева на денешната прес-конференција, одговарајќи на новинарски прашања.

Во врска со случајот „Актор“, таа изјави дека досега не се побарани мерки на претпазливост за осомничени лица и појасни дека се повикуваат лицата кои што се достапни за СЈО да бидат распрашани, започнува истрагата, официјално ќе се земаат изјави и врз основа на тоа ќе се побараат мерки од судот.  

„Во целиот период на постапката на СЈО внимателно ги предлагаме мерките за секое лице, во случајот досега немаме индиции дека некое лице ќе ја загрози истрагата, а кога се случи ќе се бараат мерки на претпазливост“, објасни Јанева.

Таа потврди и дека е замрзнат имотот на синовите на поранешната пратеничка Силвана Бонева, како и дека судот донел таква одлука на барање на СЈО, без да оди во детали.

Одговарајќи на новинарско прашање за случајот „Сопот“, Јанева кажа дека СЈО има поинаква теорија за случајот од онаа на обвинителството, но додаде дека е во предистрага и не може да каже ништо повеќе околу тоа.  

 

Црпнатиот Принц од Муртино и библиската земја.

повеќе

Денес спортот и спортистите се дел од политиката и служат како средство за препукување меѓу политичарите.

повеќе

Националното достоинство и идентитет не се статични „од Бога дадени" категории, туку динамични категории кои зависат од нашите постапки и акции.

повеќе