Јајца, камења, вувузели… за денеска завршија и протестот и собраниската седница за францускиот предлог

За денеска протестниот собир пред Собранието е завршен, исто како и денешната собраниска седница за францускиот предлог. Организаторите на протестите што се одржуваат под мотото „Ултиматум – не благодарам“, најавија нов протест пред Собранието за утре во 11 часот, во исто време за кога е закажано и продолжението на 81-та седница. 

Доцна попладнево по завршувањето на собраниската седница, на чиј дневен ред е Информацијата по содржината на предлог-преговарачката рамка, на демонстрантите им се придружија и дел од пратениците на ВМРО-ДПМНЕ, предводени од претседателот на партијата, Христијан Мицкоски.

Денешниот протест започна уште пред пристигнувањето на претседателката на Европската комисија, Урсула фон дер Лаен, која се обрати пред пратениците. Учесниците на протестот пред Собранието се појавија со транспарентите „Македонците уште се борат за своите правдини”, „Слободна ја сакаме, не сакаме протекторати”, „Стоп за бугаризација”, а дел од нив незадоволството го искажаа преку свирежи и фрлање со јајца, камења и тврди предмети кон собраниската зграда.

Во собраниската сала пак, обраќањето на премиерот Димитар Ковачевски беше проследено со звуците на вувузелите на опозициските пратеници, тропање по масите, исвиркување… за потоа неколку пати да биде запален и скинат францускиот предлог. Не изостанаа и  заканите за затвор кога ВМРО-ДПМНЕ ќе дојде на власт. И додека Ковачевски го бранеше предлогот, опозицијата порача: „Уставни измени нема да има”. 

Продолжението на седницата е закажано за утре во 11, а за збор се пријавени над 40 пратеници. 

Фото: Роберт Атанасовски

На 6 октомври 1946 година почна носењето на моштите на Гоце Делчев од Софија во Скопје, столицата на слободна Македонија.

повеќе

Постои нужна потреба од прилагодување на студиските програми, соодветните силабуси и наставниот курикулум на реалната потреба на пазарот на труд во државата.

повеќе

Во текот на оваа и претходната година, инфлацијата ја задуши македонската економија. 

повеќе