Семејството Иванови ја заврши посетата на Австралија

Иванов: Десет години ги штитев македонските национални интереси, направив сѐ што можев да ги одбранам

На покана на Македонската добротворна организација (MCWA) и клубот Сиднеј Македонија, поранешниот претседател Ѓорге Иванов, беше покровител и присуствуваше на неколку настани од добротворен и хуманитарнен карактер кои се одржаа изминатата недела во Австралија, каде што имаше средби и со македонската дијаспора.

На трите гала вечери одржани во Мелбурн, Сиднеј и Волонгог, како што соопшти неговиот кабинет, Иванов упати апел до македонската дијаспора за обединување и единство на сите Македонци во дијаспората, како и за поддршка и помош на повозрасните лица од македонската заедница кои живеат во Австралија.

„Грижата за постарите лица е грижа и за сите кои што ќе дојдеме во тоа доба, но и за тоа што тие го оставаат како наследство на нашите генерации, како што се мудроста и искуството стекнато со годините“, кажал Иванов.

За актуелните случувања во Македонија, тој кажал дека ја следи нивната загриженост, порачувајќи им дека „сме издржале многу тешки периоди, така што и ова ќе помине и ќе дојдат подобри времиња“.

Во тој контекст изјавил дека во неговите 10 години како Претседател останал на свечената заклетва и ги почитувал Уставот и законите на Република Македонија.

„Работев за заштита на македонските национални интереси и направив сѐ што е во моја надлежност и што дозволуваше оваа функција за нивна одбрана. Би сакал да порачам и дека секој треба да ја почитува волјата на народот која што беше искажана и на последниот неуспешен референдум од 2018 година. Тоа дава за право да може да бидат во важност одлуките донесени на референдумот од 1991 година, каде граѓаните се изјаснија за независна и суверена Република Македонија“, рекол Иванов, додавајќи дека ова останува основа некоја следна генерација да се избори за враќање на нешто што насилно ни беше одземено.

За време на посетата во Мелбурн, Иванов го посетил и училиштето финансирано од австралиската Влада, а во кое наставата се одвива на македонски и на англиски јазик и  имал можност да разговара со наставниците и со учениците и да им честита за оваа инзворедна мисија која доприесува за зачувување и негување на македонскиот јазик.

Тој го посетил и седиштето на Македонската добротворна организација, како и пензионерите кои ги користат нивните услуги и имаше можност да разговара со секој од нив.

Во Сиднеј, Иванов со своето семејство ја посети болницата Сент Џорџ каде раководството и докторите им се заблагодарија на неговиот личен придонес, како и придонесот на сопругата Маја Иванова за помошта во обезбедувањето на средствата со кои што се купени пет скенерот и скенерот за рано дијагностицирање на рак на дојка.

Иванов присуствуваше и на свечен прием што во негова чест беше организиран од страна на актуелниот и на поранешниот градоначалник на општината Бејсајд (поранешна Рокдејл) Џои Авада и Бил Саравиловски.

Иванов имаше можност да се сретне и со претставници на политички партии на федерално и на локално ниво, кои ги застапуваат интересите на македонската заедница во Австралија. Тој имал и повеќе средби со преставници на македонската бизнис и академска заедница.

Посетата на Иванов на Австралија заврши на 1 март со средба со Македонците во Сиднеј на настан организиран од страна на фудбалскиот клуб Сиднеј Македонија на стадионот Бансктаун.

На крајот на својата посета им се заблагодарил на домаќините за пречекот и уште еднаш им порачал дека секој нивен глас е битен и ако е обединет ќе стигне во Македонија и ќе мора да биде слушнат.

„Да го сочуваме заветот на предците и нашите револуционери, да ја чуваме македонската држава, македонскиот идентитет и јазик, македонската култура и традиција. Бидете обединети и единствени, бидете што поуспешни за да биде и Македонија што поуспешна“, заврши Иванов.

 

„Каде да летнеме викендов е пристап што како таков повеќе нема да постои“...

повеќе

Зголемувањето на парите за финансирање на партиите не помагаат во поттикнувањето на политичката активност на граѓаните, туку веројатно и делуваат контрапродуктивно, зголемувајќи ја недовербата во партиите и политичарите.

повеќе

За помалку од еден месец по олеснувањето на рестриктивните мерки, Косово се соочува со нагло зголемување на бројот на случаи со ковид-19, 

повеќе