По средбата од две минути со Заев и Димитров

Иванов денес ќе има обраќање до граѓаните

По кусата средба во вилата на Водно од кабинетот на претседателот на Република Македонија соопштуваат дека претседателот Ѓорге Иванов ќе има обраќање до граѓаните. Точното време на обраќањето не е соопштено, а во соопштението стои дека Иванов ќе се обрати во текот на денешниот ден.

„Претседателот на Република Македонија, Ѓорге Иванов, денеска ги прими претседателот на Владата на Република Македонија, Зоран Заев и министерот за надворешни работи на Република Македонија, Никола Димитров. Информираме дека средбата траеше две минути. Во текот на денешниот ден претседателот Иванов ќе има обраќање до македонскиот народ и граѓаните на Република Македонија", стои во кусото соопштение од кабинетот на претседателот.

На денешната средба закажана за во 10 часот Иванов требаше да ги добие сите детали околу вчера постигнатиот договор меѓу македонскиот и грчкиот премиер Зоран Заев и Алексис Ципрас. Но, како што веќе објавивме претседателот ги избркал Заев и Димитров велејќи им дека нема потреба да го продолжат состанокот.

Умре Милена Дравиќ. Да живеевме во некое друго време, во некоја друга земја, таа вест ќе се прикажеше на екраните на југословенските телевизии, како што ни се прикажа веста за смртта на Тито.

повеќе

Во кичестиот амбиент на магичното Скопје, каде што се изградени огромни споменици на Александровите фалангисти, а знамето на НАТО се вее пред зградата на Генералштабот, во градот поделен на македонски и на албански дел, лебди Бизмарковата геополитичка визија: оној што ја контролира долината на реката Вардар, станува господар на Балканот.

повеќе

Повеќе од 40 години пишувам за самостојноста на македонскиот јазик и идентитет и на моменти бев подложуван и на физички напад поради моите ставови. Јас не би прифатил ништо што го негира признавањето на Македонија.

повеќе