Реакција

Иван Стоилковиќ: „Македонски концепт“ - за што станува збор?

Во последно време мошне често во јавноста слушаме за некаков „македонски концепт” и ништо не би било чудно да постои таков концепт заснован на реалните потреби на народот и државата, но бидејќи секојдневно без усул и човечност се манипулира во јавниот и политички живот, време е да ги разоткриеме носителите на тој/тие концепт и нивните намери, се вели во реакцијата на претседателот на Демократската партија на Србите во Македонија и пратеник Иван Стоилковиќ.

Бидејќи навистина за каков македонски концепт станува збор кога државата, пишува на својот фејсбук-профил Стоилковиќ, вели во својот, а посебно тие што зборуваат за некаков т.н. нов „македонски концепт” на мошне транспарентен и во исто време неуставен и евидентно криминален начин се откажаа без трунка чест и совест и од унитарноста како уставно правна поставеност на државата, името на сопствениот народ и државата, се откажаа и од сопствената историја која од неразбирливи причини ја предадоа на туѓинско толкување, без свест дека не постои народ со каква било перспектива ако истиот нема сопствено историско сеќавање.

„Затоа сосема оправдано се наметнува прашањето за кој и каков „македонски концепт” станува збор и како може да промовираат македонски концепт истите тие што се откажаа од македонизмот како природно врзивно ткиво на државата и народот и кога македонизмот после сите нивни дејства ја изгуби и својата суштина и содржина.

Како може да се верува во т.н. македонски концепт на заговорниците на Тиранската платформа со која падна унитарниот карактер на државата или како да веруваме на рестловите на врховистичките политички кругови кои сосема сигурно ги распознавате како реформатори кои се откажаа од македонската историја, и истата ја предадоа на толкување на соседна држава, а во исто време не се откажуваат од обидите и понатаму да манипулираат и да го слудуваат сопствениот народ зборувајќи за „македонски концепт”. Или пак видете го чудото на чудата, за македонски концепт зборуваат оние кои се откажаа од името на сопствениот, македонскиот народ и државата, а сега зборуваат за некаква ГМО творба, мултиетнички народ.

Сосема јасно се гледа дека недостасува и добро е што е така, македонски концепт од српска гледна точка, иако во јавноста секако мошне често ќе чуете секакви бљувотини, па дури и од највисоките државни званичници дека ете Србија и Србите се виновни за нивната евидентна неспособност и затскриената лоша намера. Тука вреди да се спомене дека ние, припадниците на делот од српскиот народ кој живее во Македонија ниту сме биле, нити пак некогаш ќе бидеме дел од некаков мултиетнички народ!

Затоа сосема оправдано се поставува прашањето што беше влогот и кои се придобивките од ваквиот капитулантски пристап, за да може да се верува во т.н. „македонски концепт” на заговорниците на Тиранската платформа со која падна унитарниот карактер на државата. Иако, од друга страна сосема јасно е дека заради наводната стабилизација на односите со Албанците се ризикуваше, но и се доби разбивање не само на унитарниот карактер на државата, туку и апсолутна дестабилизација во македонскиот корпус. Заради ЕУ и НАТО интеграциите кои завршија со половичен дебакл се изгуби името на народот и државата како идентитетски елемент, а со тоа и националното достоинство и самопочит и се влезе во процес на апсолутна национална и државна деградација, на сите нивоа. Сосема е нејасна и останува без одговор леснотијата на прифаќањето на договорот со Бугарија, као кобајаги, заради добро соседските односи, но кој долгорочно ќе биде најсилниот и завршен удар во понатамошниот процес на националната деградација на македонскиот народ и државата.

Па сега има ли некој образ и совест, иако станува збор за политика како најстар занает, после сите овие случувања да каже за каков „македонски концепт” станува збор или отворената лага и манипулаторството добиваат јавна легитимација и претставуваат смоквин лист на покровителите на оваа срамна операција.

Затоа станува сѐ поочигледно дека недостасува или попрецизно речено на државата ѝ е потребна една нова национална и државна парадигма која сигурно без голема мака и многу работа нема да може да се реализира. Но, напуштањето на досегашната, која очигледно пропаѓа пред наши очи и претставува проблем со сериозни внатрешни, но и регионални импликации со оглед на тектонските промени во меѓународните односи не трпи одлагање.

На Македонија ѝ претстои сериозен ремонт, му се допаѓало тоа некому или не! Подгответе се, подгответе, затоа што политичкиот експеримент продолжува и колку многу ќе му се спротивставуваме, толку повеќе резултати ќе може да очекуваме, сите заедно. Во спротивно...“, вели Иван Стоилковиќ.

Интернационалистички, универзалистички и солидарен пристап е единствениот начин да се надмине еколошката и климатска криза, во регионот и пошироко.

повеќе

Мора да се пристапи кон воведување нови мерки за поголема контрола на лицата кои поседуваат нелегални пари.

повеќе

Визија на развиениот свет е државните авторитети да го гледаат спортот како средство за подобар економски и социјален развој.

повеќе