Во Собранието

Инаугурацијата на новиот претседател Пендаровски е на 12 мај

Собраниската седница на која ќе биде инаугуриран новоизбраниот претседател на Република Северна Македонија Стево Пендаровски ќе се одржи во недела на 12 мај.

Пред пратениците Пендаровски ќе даде свечена изјава со што и официјално ќе го започне мандатот и ќе стане петтиот претседател на државата, пишува МИА. 

Пендаровски, кој беше поддржан од СДСМ и коалицијата, на вчерашниот втор круг од претседателските избори освои 436.212 гласа или 51,66 отсто од гласовите на граѓаните кои излегоа на гласање.  Неговата противкандидатка Гордана Сиљановска Давкова, која беше поддржана од ВМРО-ДПМНЕ и коалицијата, освои 377.713 гласови или 44,73 отсто. Одѕивот на гласањето беше 46,70 отсто. 

Пред Пендаровски фукцијата претседател на државата ја извршуваа Киро Глигоров, Борис Трајковски, Бранко Црвенковски и во изминатите десет години во два последователни мандата Ѓорге Иванов, од кого Пендаровски ќе ја преземе должноста. Инаугурацијата на Иванов во Собранието се одржа исто така на 12 мај пред пет години, во 2014 година. 

 

Зрелоста на еден народ е да препознае кога протестите за замена му ги продаваат како протести за промена. 

повеќе

Толку убава, чиста земја, богата со шуми, планини и природни ресурси ја претворивме во Мордор.

повеќе

Сè повеќе се зборува за диверзификација на приходите, наместо фаворизирање само еден извор на финансирање.

повеќе