Анализа

Имотна состојба на пратениците од албанскиот политички блок

Сегaшните Анкетни листови содржат податоци за последната пријавена состојба за имотот на пратениците, а дел од нив во Државната изборна комисија фигурираат и со повеќе Анкетни листови, во зависност од функциите што ги имале пред пратеничкиот мандат. Законската регулатива предвидува и ги задолжува пратениците најдоцна 30 дена по завршување на нивниот мандат да пополнат нови Анкетни листови, пишува Порталб.мк. Во оваа анализае опфатена моменталната имотна состојба што ја пријавиле пратениците.  

Овој пратенички мандат, лидерот на ДУИ, пратеникот Али Ахмети, го напушта со пријавена трансакциска сметка на која има 758.500 денари. Во актуелниот Анкетен лист, како личен имот пријавена е куќа од 254 квадратни метри во село Зајас, со проценета вредност од 100.000 долари, земјоделско земјиште од 700 квадратни метри во Албанија во вредност од 30.000 долари и автомобил на име на сопругата со вредност од 7.000 евра.

Пратеникот Артан Груби во постојниот Анкетен лист има пријавено стан во Скопје во вредност од 100.000 евра, два автомобили на негово име, од кои едниот „ауди А6“ 2011 година во вредност од 1 милион денари. Груби  на своите сметки, трансакциска и штедни книшки, има околу 12.400 евра. Во износ од 1 милион денари пријавил и легализација на надградба на имот. 

Во регистерот на ДКСК, досегашниот претседател на Собранието, Талат Џафери, пријавил три Анкетни листови за имотната состојба поради трите различни јавни функции што досега ги обавувал. Како претседател на Парламентот, Џафери, заминува без пријавена транскациска сметка, а пријавени кредити во износ од 35.500 евра. Како личен имот, Џафери пријавил два автмобили и двата марка „ауди А6“ од 2018 , куќа во село Форино од 340 квадратни метри, стан во Скопје со вредност од 2.200.000 денари. Пријавени се и два автмобили на име на децата и плата во износ од 17.000 денари на име на сопругата.

Пратеникот и претседател на Алијанса на Албанците, Зијадин Села, во  сегашниот Анкетен лист пријавил куќа од 300 м2, земјиште од 3.190 м2 и шума од 15. 157 м2, сите во село Ливада, Струга. Од 2014 година Села на свое име има кредит во износ од 610.000, а на трансакциска сметка му лежат 3.300 денари. Во Анкетниот лист фигурира и автомобил марка „јагуар“ со вредност од 10.000 евра. 

Две трансакциски сметки без салдо и два авотомобили со вкупна вредност од 13.000 евра е пријавено во Анкетниот лист на пратеникот и претседател на Алтернатива,  Африм Гаши. На име на неговата сопруга пријавил накит со проценета вредност од 120.000 денари и автомобил од 166.000 денари, додека на име на неговите родители пријавени се стан во Скопје со проценета вредност од 40.000 евра, пензија, како и земјиште и куќа во постапка на трансформација и легализација.

Пратеникот Фадил Зендели од Беса како личен имот во Анкетниот лист ги навел двата кредити во износ од 25.000 евра, земјиште во Ростуше од 1.077 м2, автомобил со пријавена вредност од 10.000 евра, додека на име на неговите родители пријавени се апартман од 60м2 во Гостивар и куќа од 450 м2, исто така во Гостивар. На име на сопругата пријавен е кредит во износ од 920.000 денари. 

Пратеничката Теута Биљали од Беса, според податоците Анкетниот лист нема ништо на свое име, сѐ што е пријавено е на има на родителите, освен автомобил со вредност од 430.500 денари, на име на нејзиниот сопруг. Нејзините родители, пак, поседуваат голем број на недвижности со вкупна вредност од околу 3,5 милиони евра. Така, пријавено е дека нејзините родители поседуваат земјоделско земјиште со пријавена вредност од 145.000 евра, две куќи со деловен простор, двор, земјиште во износ од 280.000 евра и станбена зграда со земјиште во Тетово со површина од 1.024 м2 и пријавена вредност од скоро 3 милиони евра, како и стан од 91 м2 во Тетово со вредност од 54.600 евра. Дoполнително, семејството поседува и две пасишта во Тетово.

Претседателот на Демократската партија на Албанците, Мендух Тачи, според сегашните податоци, пријавил дека има две куќи, едната со двор, од 13.000.000 денари во Тетово, а другата со деловен простор и двор со пријавена вредност од 4.575.000 денари исто така во Тетово. Тачи на трансациска сметка има 141.500 денари, а на штедна книшка 103.356 евра, депозит во износ од скоро 53.000 евра има и неговата сопруга, која поседува и автомобил од 240.000 денари. Како пратеник, Тачи пријавил дека поседува кредит во износ од 861.000 денари, како и побарување по основ на заем во износ од 22.300 евра.

Како пратеник од ДПА, Мерал Узеири Ферати, пријавил дека од недвижен имот нема ништо на свое име, сѐ се води на сопругата. Семејството поседува деловен простор во Тетово со пријавена вредност од 50.000 евра, куќа во Тетово со површина од 300 м2 и вредност од 250.000 евра, автомобил марка „ауди А6“ со вредност од 360.000 денари, како и два кредити во вкупен износ од скоро 25.000 евра.

Плац од 3 милиони денари и „ауди 6“ на лично име пријавил пратеникот Сурија Рашиди од Алијанса на Албанците. Во сегашниот Анкетен лист на име заднички имот стекнат со наследство, семејството Рашиди поседуваат земјиште, ливада, лозје, шума, а пријавен е и автомобил во вредност од 8.000 евра на име на брачен другар.

 

Ковид-19 може да нѐ научи битни лекции за животот - дека почитта кон другите човечки суштества не е во честа која им ја даваме со пружање рака и тапкање по грбот, туку во суштинската грижа за нивната добробит и здравје.

повеќе

За преродба требаат само три чекора: промена на изборниот модел, укинување на мега и квази државниот апарат заедно со сите паразити во него и економски план за ревитализација на земјата.

повеќе

Нашиот капацитет за справување со општи кризи е ограничен. Дали здравството е немоќно, или ние не можеме да се прилагодиме на промени?

повеќе