Во Велика Британија, постапката за ратификација на Протоколот почнува од владата, а завршува во Парламентот. Веста дека и Велика Британија го ратификува Протоколот, повторно ја пренесе министерката за одбрана Радмила Шекеринска преку социјалните мрежи.
„Убав ден! И Велика Британија штотуку ја заврши националната процедура за ратификување на нашиот НАТО Протокол! Благодариме“, напиша Шекеринска на Фејсбук.
Британскиот министер за надворешни работи Доминик Раб на Твитер информираше дека е завршена ратификацијата на Протоколот за Северна Македонија.
„Се радувам на приклучувањето на РСМ на НАТО-фамилијата и на учеството на состанокот на НАТО-лидерите во Лондон, заради промоција на меѓународните мир и безбеднос“, напиша Раб.
I’m delighted to sign North Macedonia’s @NATO Accession Protocol today with Ambassador @a_miovska. I look forward to ?? joining the NATO family and attending the NATO Leaders’ Meeting in London to help promote international peace and security. #WeAreNATO #NATOLondon pic.twitter.com/B198Il7wxD
— Dominic Raab (@DominicRaab) October 16, 2019
