И Пендаровски и Димитров на конференцијата „Балкански дијалози“ во Берлин

Претседателот на Стево Пендаровски и министерот за надворешни работи Никола Димитров, денеска во Берлин ќе учествуваат на конференцијата „Балкански дијалози“. Пендаровски ќе се обрати на пленарната сесија на тема „Проширување на ЕУ – неисполнето ветување – што сега?“, а Димитров ќе говори на сесијата посветена на „Зајакнување на европската перспектива на Западниот Балкан“.

Собирот го организираат Минхенската безбедносна конференција, EAST WEST Институтот и Белградскиот фонд за политичка извонредност (BFPE), и на него се очекува да стане збор за неотворањето на преговорите за членство на Северна Македонија и Албанија во ЕУ, иако двете земји ги исполнија задачите што им беа зададени од Брисел, за францускиот предлог за промена на методологијата за пристапување и за потребата од враќање на европската перспектива за земјите од Западен Балкан.

На собирот ќе се разговара и за дијалогот Белград – Приштина и за други актуелни прашања во регионот, а меѓу говорниците се најавени и специјалниот преставник на САД за Балканот, Метју Палмер, српската премиерка Ана Брнабиќ, поранешната висока претставничка на ЕУ за надворешна политика и безбесност Кетрин Ештон, претседателот на Минхенската безбедносна конференција Волфган Ишингер и рускиот амбасадор во Србија, Александар Боцан-Харченко.

За време на престојот во Берлин, Димитров, како што соопшти МНР, освен учеството на конференцијата, предвидено е да има средби со претставници од германското МНР и од Кабинетот на канцеларката Ангела Меркел.

 

Визија на развиениот свет е државните авторитети да го гледаат спортот како средство за подобар економски и социјален развој.

повеќе

Јавните медиумски сервиси треба да бидат столб на демократските општества и примарен извор на информации за сите граѓани.

повеќе

Отповикот или импичментот на претседателот Доналд Трамп од страна на Претставничкиот дом покажува дека членовите на Конгресот на САД прво се партијци, а потоа Американци.

повеќе