Претседателката на ДОМ за еколошките приоритети

И на премиерот му реков, инсистираме топланите да работат исклучиво на гас, вели Морачанин

И на средбата со премиерот нагласив и побарав, без разлика на цената на гасот на берзите и без разлика кој енергенс е поисплатлив во моментов, топланите во Скопје да продолжат да работат на гас и да не се префрлуваат на дизел или мазут, бидејќи најважно е здравјето на граѓаните, изјави претседателката на ДОМ Маја Морачанин која го доби и вториот мандат на лидерската функцијка во партијата.

Морачанин вели дека инсистираат да се почитува нивното барање и нивниот став.

„Состојбата е тешка и затоа велам, ова се прашањата коишто се од интерес за граѓаните. Јас за тоа зборував не само во коалицијата, туку и на лидерската средба која ја организираше премиерот Ковачевски и нагласив дека ако топланите се префрлат на дизел гориво или на мазут, тоа ќе се рефлектира дефинитивно многу на загадувањето на воздухот во Скопје“, рече Морачанин во интервју за МИА.

Тоа потенцира:

„Дури и да биде поскапо затоплувањето со гас, во интерес на здравјето на граѓаните е да продолжат топланите да работат на гас“.

Таа нагласува дека работењето на гас ќе биде поисплатливо отколку потоа граѓаните да се лекуваат, посочувајќи дека треба да се гледа и тој аспект.

На оваа тема Морачанин зборувала и со министерот за животна средина и нејзини очекувања се дека топланите ќе продолжат да работат на гас.

„Исто така и министерот за животна средина инсистира на ова и Владата мислам дека ќе постапи во таа насока, така што очекувам топланите да продолжат да работат на гас. Никој не може да предвиди како ќе се одвива војната во Украина и како ќе се развиваат тие состојби ако нема воопшто снабдување со гас, но не очекувам тоа да се случи по сите најави што ги добиваме, што ги слушаме дека сепак ќе има снабдување со гас“, смета Морачанин.

Калоѓера не може да премолчи, не може да замиже пред историската вистина на Македонија, па затоа во својот живот се определил да македонствува.

повеќе

Слушањето како способност да го фокусираме вниманието на аудитивните дразби е важен аспект на нашиот живот и значително влијае на неговиот квалитет во сите сегменти.

повеќе

„Ќе дојде ден, кога пазарите отворени за трговија и размена на идеи, ќе бидат единствените борбени полиња“ - Виктор Иго

повеќе