Пленковиќ пред Европскиот парламент

Хрватска сака да обезбеди поддршка во ЕУ за старт на преговорите со Скопје и Тирана

Хрватска не ја крие амбицијата да се обиде да обезбеди поддршка од земјите членки на Унијата за старт на преговори за членство со Македонија и со Албанија, порачал хрватскиот премиер Андреј Пленковиќ во обраќањето пред Европскиот парламент во Стразбур, претставувајќи ги приоритетите на неговата земја како претседавач со Унијата.

Како што јавува МИА од Стразбур, Пленковиќ кажал дека организирањето на Самитот ЕУ-Западен Балкан во Загреб и отворањето преговори за членство на Северна Македонија и Албанија во Унијата се меѓу главните приоритети на хрватското претседателство со Унијата.

„Идниот извештај на Европската комисија и предлозите за подобрување на методологијата за процесот на преговорите ќе бидат важни. За кредибилноста на политиката на проширување важно е да се зачуваат принципите на почитување на политичките критериуми и индивидуалниот напредок. Секоја земја кандидат треба да се оценува врз нејзините резултати, при што крајната цел на преговорите останува членството во ЕУ. Тоа треба да биде главната определба на политиката за проширување“, истакна хрватскиот премиер.

Пленковиќ потсети дека Европскиот парламент по француското вето лани во октомври, усвои резолуција со која се поддржува отворање на преговорите со Албанија и Северна Македонија и во која се нагласува важноста на проширувањето, како за земјите кандидати, така и за ЕУ. Со тоа, според него, Европарламентот ја потврди посветеноста кон кредибилната политика на проширување на ЕУ.

Хрватскиот премиер потенцира дека средбата на врвот од Загреб во мај ќе се одржи 20 години по првиот загрепски Самит, кој „ја отвори европската перспектива за Југоисточна Европа и за договорите за стабилизација и асоцијација“.

„Меѓу тие земји се наоѓаше и Хрватска, која единствено стана членка на ЕУ. Денес таа претседава со ЕУ и нашиот пример му дава уште посимболично значење на Самитот во Загреб. Затоа од Самитот во Загреб сакаме да им испратиме силен сигнал на нашите партнери од Југоисточна Европа кои сѐ уште се во еден вид на европско претсобје и да им порачаме: Ако ги продолжите сите реформи и ги исполните сите критериуми за членство, вашата европска перспектива не е ставена во прашање и вие сте добредојдени. Истовремено, ЕУ ќе ви помогне да ги исполните вашите цели со учество во европските проекти, интегрирање на инфраструктурните мрежи со редовен политички  дијалог на највисоко ниво и со промовирање на европските вредности и принципи“, рече хрватскиот премиер.

Време е да се почне да се размислува што може да значи тоа.

повеќе

Ако сте скијач или бордер, зима, планина, снег, сонце и чист воздух веднаш ве асоцираат на авантура и хедонизам. Физичка активност, радост и умствено опуштање.

повеќе

Која е логиката на Заев и СДСМ со вчерашниот протест што од сега се гледа дека ќе им биде и наративот за целата кампања?!

повеќе