Холандскиот парламент со позитивна одлука за преговори со Македонија, за Албанија е „прерано“

Холандија бара Албанија и Севернa Македонија да бидат третирани одвоено во однос на отворањето на пристапните преговори за членство во ЕУ, за што ќе се расправа на состанокот на Советот на министри во Луксембург на 15 октомври, а конечната одлука треба да биде формализирана на 18 октомври од Европскиот совет. Ова е исходот од вчерашната дебата во Комитетот за европски прашања на холандскиот Парламент. 

Шефот на дипломатијата Стеф Блок го повторил ставот на Владата дека почеток на преговори со Албанија во овој момент би било прерано. Холандија, сепак, нема да стави вето доколку останатите земји членки на ЕУ бидат за старт на преговорите.

Заклучокот од дебатата во Комитетот за европски прашања сега треба да се преточи во заеднички став на парламентарните партии.

Холандското МНР во меѓувреме ги повтори позициите на Владата дека земјите кандидати мора да ги исполнат поставените услови пред отворање на преговарачкиот процес.

Холандија го поздравува постигнатиот напредок во земјите кандидати, но смета дека нивното оценување треба да биде посебно врз основа на нивните постигнувања.

Во делот за Северна Македонија се вели дека е направен охрабрувачки напредок и се поздравува Преспанскиот договор како пример за решавање и на други отворени прашања во регионот. Исто така, се препорачува продолжување на предметите отворени од СЈО и се поздравува нивното префрлање за понатамошно процесуирање во Јавното обвинителство. Клучен чекор што треба да се направи е усвојување на закон што ќе гарантира независно Јавно обвинителство и гонење на случаите на висока корупција.

Во случајот со Албанија, холандската Влада ги поздравува досега преземените чекори, но смета дека мора да бидат направени дополнителни напори за зајакнување на борбата против корупцијата и организираниот криминал.

Кога може оние кои пукаа по нас, оние кои ги убија Аце, Коки и Оливер да бидат на слобода, зошто не би бил помилуван и ти?

повеќе

Го регистрираме името Јунајтед Маседонианс и тогаја сетне почнаме да прајме отворени Илинденцки пикници – македонцки илинденцки, не со Богарите. Сами ние Македонци и народо трна.

повеќе

Она она што го нудат медиумите во времето на ковид-19 покажа колку тие не се подготвени за да известуваат во време на криза, а кризите ги има сè почесто.

повеќе