Експремиерот со статус на Фејсбук за денешното судење

Груевски кој за судиите е недостапен, преку Фејсбук порача дека нема да дојде оти случаите против него биле забава

Поранешниот премиер Никола Груевски, против кого денес се отвори нова судска постапка за „Плацевите на Водно, денес се јави со нов статус од Будимпешта. Тој овој случај го нарече тетарска претстава и дека е дел од долгогодишната кампања и напори на Заев и СДСМ за мое оцрнување. На денешното судско рочиште, судијата Илија Трков кој ја води оваа постапка, констатираше дека Груевски е недостапен на органите на прогонот и дека ќе му се суди во отсуство. Обвинителката Лиле Стефанова, пред судот рече дека треба да се конфискува имотот и да се осудат обвинетите, но Груевски напиша дека жалел што на своја кожа ја осетил репресијата на власта. 

„Денеска почна театарската престава во режија на Зоран Заев а во изведба на обвинителството во кое самиот нарачува случаи и издава инструкции за оние кои ги одбрал да се пресметува со нив. Престава темпирана да го сврти вниманието во предизборниот период, во кој наместо да слушнеме за реално завршени и исполнети реформи кои го направиле подобар животот на граѓаните или создадени проекти од власта, ќе слушаме небулозни приказни со театарски сценарија во кои како доказ не се нуди ништо, освен мал број уценети лица со изнудени претпоставки наместо докази, и тоа со применети најбрутални методи“, пишува Груевски.

Поранешниот премиер напиша и дека немал скриен имот.

„Уште еднаш повторувам дека ниту сум купувал, ниту продавал земјишта или станови. Ниту сум земал пари од партијата за тоа. Се е лага и валкана конструкција. Се прашувам како тоа сум перел пари и сум го зголемил имотот кога и самите сведоци и лица кои давале изјави, колку и да биле притиснати и под тешки закани, дале изјава во обвинителството дека пред 10-11 години наводно некое трето лице им рекло да купат стан или земјишта кои тие ги купиле со свои пари и никогаш никој не им дал пари за истото. Таков е случајот со земјиште купено на јавна лицитација од некоја фирма во големина ако добро разбрав ооолу 2.400 мкв на Водно, еден стан од 60тина метри квадратни и многу слично е со земјиште во Крушево кое било купено на јавна лицитација во вредност од 40.000 денари. Па така, и денес тој стан и тие земјишта се нивни имот, на оние што ги купиле, за кој дале свои пари и не примиле пари ниту од мене ниту од било кој, како што кажале во обвинителството.

Чив имот во овие случаи сака да запленува обвинителството? Имот кој ниту сум го купил, ниту платил како што тврдат самите оние кои давале изјави во обвинителството под големи притисоци да кажат дека претпоставуваат дека тие требало да бидат мои.

Како тоа сум испрал пари ако никому не сум дал никому пари и никој не земал пари во овие случаи ниту од мене, ниту од некој друг? Како сум го зголемил имотот ако не сум купил имот? Ако и по 10 или 11 години подоцна тој имот си е на име на тие луѓе кои го купиле со нивни пари како што самите се изјасниле во обвинителството.

Или сега ќе им се изврши додатен притисок и тие изјави да ги променат, па да кажат спротивно на кажаното неодамна“,вели Груевски.

Тој додава дека на Обвинителството не му било прв пат да конструира, како што вели, вакви лажни конструирани случаи со примена на најбрутални методи.

„Ова е и дел од долгогодишната кампања и напори на Заев и СДСМ за мое оцрнување. Ова е пример на власт која неспособна да испорача реални резултати со кои ќе се подобри животот на граѓаните, фокусирана е на оцрнување и прогон на оние кои покажале дека може и поинаку во однос на исполнување на ветувњата. На крајот, засега, да резимирам. Со јазикот на обвинителот, некој ќе рече. Ако е така како зборувам, да дојдам во судница ова да го докажам. Јас нема така да постапам, но ќе кажам, жалам што на моја кожа ја осетив репресијата на власта, како многу пати во историјата кога се судело на личности меѓу кои и јас се препознавам, заради политички потреби, во случајот на Зоран Заев. Јас знам дека на овој човек му е потребен и овој случај за да приредува забава во која се игра со човечки судбини. Во немоќ денес обвинителот изнесе замислени факти кои не се ни тоа, не се ни доказ, ниту се обвинение за кривично дело, затајување, перење пари, уште помалку дека тие кривични дела се сторени од мене или било кое друго име, внесено во предметот за да се одглуми уште една "роља" од мега преставата што се вика Никола Груевски, истакнува Груевски.

Сѐ поочигледно е дека наместо Заев да направи чистка и да замети, граѓаните ќе го изметат него и СДСМ.

повеќе

Можеби поради еуфоријата што ја донесе туризмот - и желбата на самите жители на Грција да уживаат во одморите - пошироката јавност беше подготвена да ги толерира дневните бројки на новозаразени (во просек помеѓу 2.000 и 3.000 случаи во текот на летото). 

повеќе

Насловот асоцира и на резултатите од изборите, кои, кога ќе излезе оваа колумна, ќе бидат познати, иако најретко споменуван збор во кампањата беше зборот ДЕЦЕНТРАЛИЗАЦИЈА, кој е единствен начин за остварување на сите „големи“ ветувања што ги слушнавме изминативе две недели.

повеќе