Влада

Груби: Треба да им се најде работа на 1.300 вработени во државна администрација, ДУИ доби 5 заменички места

Продолжуваат договарања меѓу партнерите во владеачката коалиција за поделба на заменичките и директорските места. Според вицепремиерот Артан Груби ДУИ доби 5 заменички места во министерствата за правда, здравство, одбрана, транспорт и полиција.

Груби на денешната конференција за медиуми рече дека од директорските места засега е договорена размената на управителските места во Македонски пошти, МЕПСО, Фондот за пензиско осигурување и Јавното претпријатие за државни патишта. Ова всушност значи дека директор на Пошта сега ќе биде од СДСМ, а на МЕПСО предлог на ДУИ.

„Треба да се најде место во државните институции за 1.300 лица кои се сега вработени во Министерството за политички систем кое го водам. Треба да се признаат факултетските дипломи. Следува систематизација“, рече Груби.

Новиот вицепремиер за политички систем најави дека Насер Зибери, кандидатот за премиер на ДУИ кој не ја доби таа функција, сега ќе биде дел од неговиот тим заедно со други експерти што тој ќе ги ангажира на договор на дело.

„Насер Зибери нема да се вработи во министерството, но ќе биде дел од експертите кои ќе ја осмислуваат работата на овој нов ресор“, рече Груби.

Вицепремиерот и министер за политички систем и односи меѓу заедниците  денеска истакна дека има задача да служи на сите граѓани, потенцирајќи дека најважната обврска е спроведувањето на Охридскиот рамковен договор и обезбедување потполна рамноправност и кохезија за сите граѓани.

Како вицепремиер, Груби на денешната прес-конференција појасни дека активно ќе придонесе во спроевдувањето на политиките кои ќе ги развијат вредностите на нашето општество и меѓуетничките односи, толеранцијата, неселктивната правда, истите можности и културната комуникација.

Тој посочи дека и ќе ја зголеми динамиката на Законот за употреба на јазиците, ќе ја комплетира Агенцијата за употреба на јазиците и Инспекторатот за употреба на албанскиот јазик.

„Ќе соработувам со сите колеги за зголемување на квалитетот на образованието и културата како области кои придонесуваат за зближување на граѓаните. Ќе соработуваме и со бизнис секторот за поддршка на меѓуетнички односи вредноста на толеранција и почитување, правична и соодветна застапеност и меѓусебна доверба и во нивните работни средини за да се искористи целокупното човечки потенцијал“, рече Груби.

Како прв заменик на претстедателот на Владата надлежен за коородиниција меѓу политилките ресори, Груби рече дека обврска му е да се грижи за спроведувањето и на Охридскиот рамковен договор, но и за добра и ефикасна кохезија на општеството еднакво за сите.

Во соработка со министерот за информатичко општество и администрација, Груби рече дека во најкус можен рок ќе обезбедат распоредување на сите вработени во согласност со Охридскиот рамковен договор во државните институции.

-Ќе ги признаеме факултетските дипломи на сите административци и ќе ги мотивираме да се надградат себе си и својата иднина да ја гледат и да ја градат во нашата земја. Ќе почнеме да ги мониторираме потребите реформи за потполна рамноправност на граѓаните, вклучувајќи ја и неселективната правда преку ветинг, рече тој, додавајќи дека не може да постои една правда за едниот, а друга правда за другиот.

Тој додаде дека гласот на секој граѓанин е глас за мир, стабилност, евроатланска ориентација на земјата, успешно управување со еконосмко здравствената криза за преродба на домашната економија за нови и добро платени работни места, за правна неселективна држава и ветинг за сите, за чиста и здрава животна средина, за функционална инфраструктура за култура по угледот на европската култура и за образование кои младите генерации ги подготвува за подобра сегашност и подобра иднина.

„Како прв вицепремиер и министер за политички систем и односи меѓу заедниците заедно со моите соработници пред нас имаме света и суштинска задача да ја спроведеме агендата за која сме должни пред граѓаните со нашите максимални напори преку ефективно спроевдување на најдобри можни резултати. Сето ова заедно со начелото на искрено партнерство и консензуалност ја направија оваа Влада издржлива и силна, направија оваа Влада да го претставува целото наше општество со сите наши карактеристики“, рече Груби

При еден спор, понижувањето не е добро ниту за победникот, ниту за поразениот; ниту за „победникот“, ниту за „поразениот“.

повеќе

Стравот од неизвесноста што ја носи пандемијата од ковид-19 вирусот, бара да се преструктуираме и да го промениме начинот на нашето однесување и работење.

повеќе

Ако имаме предвид дека секој збор има свое значење, тогаш оваа „железна завеса" кон Бугарија, за која зборува премиерот дека била подигната од Југославија, се доведува во корелација со Берлинскиот ѕид. А, железната завеса помеѓу двете германии доведе до нивно обединување.

повеќе