Грчки министер нѐ кара дека не го спроведуваме Преспанскиот договор, а за нив сѐ уште сме БЈРМ

Пред десетина дена шефот на македонската дипломатија Бујар Османи доби укор од својот грчки колега Никос Дендиас дека во Македонија Преспанскиот договор не се спроведува доследно и дека новото име треба да го користат сите институции, и државни и приватни. Фотографијата што ја гледате е направена пред два дена во Леринско.

Дендиас побара и веб-порталите да го употребуваат името „Северна Македонија“, што е спротивно на самиот договор, каде што пишува дека тоа име не е задолжително за компаниите што не се финансираат од државата. А кај нив, во Грција, по сообраќајните знаци БЈРМ.

Неодамна и потписникот на договорот Никос Коѕијас нѐ нарече „славомакедонци“, што е спротивно на потпишаното. И во овој случај македонското Министерство за надворешни работи, иако вети дека секогаш ќе реагира кога се крши Договорот од Преспа, не стори ништо.

Освен тоа, за грчкото Министерство за надворешни работи македонската нација и натаму е производ на Тито, зборот Македонија е грчки збор, а античките Македонци се Грци, пишува на официјалната интернет-страница на Министерството за надворешни работи на Грција за Северна Македонија.

 Еврообврзница во услови на најголемата светска економска криза за репрограмирање на долгот и буџетска поддршка.

повеќе

Повикот на Заев за „Влада за национален спас“ само три дена откако неговиот кабинет ја доби собраниската доверба, покажува дека таа тешко би се качила над сегашните 62 пратеници.

повеќе

Богатите држави мораат веднаш да донираат вакцини против ковид-19 на загрозените држави. 

повеќе