Поради политичката ситуација во земјава

Грчката Влада смета дека не згрешила што доцни со ратификацијата на трите меморандуми со Македонија

По последните политички случувања во земјава, Грција смета дека е оправдано доцнењето со ратификација на трите механизми во грчкиот Парламент.

Портпаролот на грчката Влада, Јанис Иконому на денешниот редовен брифинг со новинарите рече дека изборот да не брзаат со ратификација на меморандумите се покажува како правилен избор, бидејќи тие се механизам за контрола на правилното спроведување на Договорот од Преспа.

„Владата нема да се вмеша во внатрешните работи што во моментов се во тек во Северна Македонија. Како и да е, може да се сфати дека нашиот избор да не брзаме со ратификување на меморандумите во изминатиот период, се покажува дека е избор што всушност е точен и правилен, со оглед на фактот дека меморандумите претставуваат еден механизам за контрола на правилното спроведување на Договорот“, изјави Иконому, одговарајќи на новинарско прашање за последните случувања во земјава, но и за изјавата на претседателот на ВМРО-ДПМНЕ, Христијан Мицкоски за употребата на името Северна Македонија.

Ратификацијата на меморандумите беше едно од прашањата за кои за време на официјалната посета на Атина минатиот разговараше и претседателот Стево Пендаровски со грчкиот премиер Кирјакос Мицотакис.

На средбата со Мицотакис, Пендаровски го покрена и прашањето за трите меморандуми што чекаат на ратификација во грчкиот парламент и доби објаснување дека внатрешната политичка динамика на Грција е специфична и дека најмногу од тоа ќе зависи ратификацијата на тие договори.

„Премиерот треба да му ги предложи на парламентот и замоли за трпение бидејќи, како што рече, немаат ниту една причина да го рушат Преспанскиот договор без разлика на неговиот став пред потпишувањето и во првиот погоден политички момент кога ќе биде можно ќе ги поднесат за ратификација. Нема намера да се опструира договорот ниту билатералната соработка“, изјави тогаш Пендаровски по средбата со Мицотакис.

Македонскиот народ мора да ја заштити автокефалноста на својата Македонска православна црква - Охридска архиепископија, како еден од носечките елементи на неговиот идентитет, од сите загрозувања од Фанар, од СПЦ и другите меѓународни црковни и други чинители. Време е за нов Македонски црковно-народен собир, како во 1945 година.

повеќе

Сите политичари и безмалку сите новинари во Македонија, се со став дека нема или поточно не е можен план Б во преговарањето за влез во ЕУ со Бугарија.

повеќе

(Насловот е на турски со причина, во превод, „писмо или револвер“.)

повеќе