Три години по откривањето на криминалот

Големи пропусти во МВР и МНР во скандалот со приведените македонски дипломати во Врање

Левон Саркисјан e името на ерменскиот дипломат кој во 2018 година успеал да избега од властите во Ерменија со помош на македонски дипломати, кои, дел од нив, денеска се наоѓаат во притвор во Србија. МНР, освен што ја потврди информацијата дека македонски дипломат е во притвор во Србија, и натаму главно молчи за овој голем скандал кој веќе три години македонските служби, МНР и МВР, се обидувале да го скријат и да го заташкаат.

Левон Саркисијан, ерменскиот дипломат кој успеа да избега со помош на македонски дипломати

Во 2018 година тогашниот премиер на Ерменија Никол Пашинјан го разрешил амбасадорот Левон Саркисјан од дипломатските задачи поради сомневање за големи даночни затајувања. Левон Саркисјан е помал брат на поранешниот претседател Серж Саркисјан. Властите на Ерменија воделе голема истрага против Левон Саркисјан, заедно со неговиот син Нарек и ќерката Ани, за можно затајување данок и незаконско збогатување. Истрагата се водела за работата на една ерменска компанија за недвижности (ЈLJ Project Company) во која Левон Саркисијан поседувал 40 отсто од акциите преку неговата добротворна фондација „Пјуник“, а неговиот син Нарек 20%.

Откако преку фалсификаторот на пасошот се дознало како Левон всушност ја напуштил Ерменија (со помош на македонските дипломати), целиот случај добива и меѓународни рамки, а Интерпол распиша неколку потерници.

Три години потоа, македонската јавност првпат дознава за овој случај, иако македонските власти биле информирани преку Интерпол и преку дипломатските служби. Се отворија неколку прашања. Зошто во 2018 година, кога министер за надворешни работи беше Никола Димитров не ги поништија дипломатските пасоши на тројцата дипломати на Министерството за надворешни работи со кои беше извршено кривичното дело „помагање на бегалец од правда“, за кого е распишана и меѓународна потерница од Ерменија? Дали министерот за внатрешни работи Оливер Спасовски го известил јавниот обвинител за меѓународната криминална активност извршена од тројцата вработени во Министерството за надворешни работи ? Зошто јавниот обвинител на Република Македонија не презеде мерки за да открие уште колку кривични дела сториле тројцата дипломати со злоупотреба на дипломатските пасоши од 2018 година до денес? Зошто безбедносните служби не презеле ништо во однос на сертификатите за национална безбедност (ЕУ и НАТО) пред истекот на важноста на тројцата дипломати? Како е можно лица под меѓународен прогон да бидат избрани за мисии во странство? Како актуелниот министер за надворешни работи Бујар Османи го потпишал решението за испраќање на Миле Миленкоски за дипломат во ОБСЕ Виена?

А.Д.

Tреба да ја прифатиме технологијата, наместо да се плашиме од неа, а и игрите се дел од тој процес. 

повеќе

Moжно ли е стотици кандидати за градоначалници три недели да ветуваат, а никој да не каже од каде средства за таа намена т.е. никој да не го спомене зборот децентрализација кој претставува клуч за било какво ветување?

повеќе

Капиталното дело на Танас Вражиновски „Македонска народна митологија“, упатува на потребата нашата наука постојано да се враќа на извориштата на македонската култура и писменост, создавани од светите браќа Кирил и Методиј и од нивните ученици и следбеници, светите Климент и Наум Охридски. 

повеќе