Галуп: За Бугарите односите меѓу Софија и Скопје се поважни од членството на Македонија во ЕУ

Уредувањето на односите меѓу Скопје и Софија, а не патот на Македонија кон ЕУ, е приоритет за 70 отсто од бугарските граѓани. Притоа помладите Бугари и различните малцински групи не се многу заинтересирани за темата, покажува последното истражување на „Галуп интернешенел Балкан“, спроведено „лице в лице“ во ериодот од 25 ноември до 3 декември на примерок од 803 полнолетни Бугари.

Според резултатите од истражувањето, 71,1 отсто од анкетираните сметаат дека е најважно да бидат уредени односите меѓу Софија и Скопје, а 7,5 отсто велат дека е поважно Македонија да стане членка на Европската Унија, додека мислење немаат 21,4 отсто од анкетираните граѓани.

Најтврди во ставот дека поважно е да се уредат односите со Скопје отколку членството на Македонија во ЕУ се граѓаните од возрасната група над 45 години и жителите на Софија. А оние што се колебаат во одговорот најмногу се од помладата популација, граѓаните со основно или пониско образование и оние што се изјасниле како Турци и Роми. Во Софија, пак, каде што се концентрирани групи со повисоки приходи и образование, само 2 отсто даваат приоритет на членството на Македонија во ЕУ, а обратен став имаат близу 80 отсто од анкетираните.

Сличен е резултатот гледано според поддржувачи на партиите при што над 80 отсто велат дека приоритет се односите меѓу двете земји, а потоа следува членството на Скопје во ЕУ.

Во однос на политичката криза во земјава, 52 отсто од Бугарите сметаат дека она што се случува во Македонија е многу важно за Бугарија. Околу една третина од анкетираните не дале конкретен одговор, а само една десетина велат дека она што се случува во Македонија не е важно за нив.

Во истражувањето се проверува и генералниот однос на бугарските граѓани кон други земји. Од наброени 42 држави, Македонија е во првите десет кои што Бугарите ги сметаат за блиски. Но, Македонија ја нема меѓу државите кои Бугарите ги сметаат за најдалечни.

 

 

Колку и да сакаме Украинците да добијат целосна правда, на ерата на славни војни, несомнени победи и чисти порази ѝ дојде крајот. 

повеќе

Македонскиот народ мора да ја заштити автокефалноста на својата Македонска православна црква - Охридска архиепископија, како еден од носечките елементи на неговиот идентитет, од сите загрозувања од Фанар, од СПЦ и другите меѓународни црковни и други чинители. Време е за нов Македонски црковно-народен собир, како во 1945 година.

повеќе

Сите политичари и безмалку сите новинари во Македонија, се со став дека нема или поточно не е можен план Б во преговарањето за влез во ЕУ со Бугарија.

повеќе