ПОДДРШКА

Европскиот парламент охрабрува поголемо политичко учество на ЛГБТИ лицата во Македонија

Европратеникот Иво Вајгл утринава се сретна со претставникот на Субверзивен Форнт, Антонио Михајлов, а на состанокот присуствувале и Филип Аврамчев, член на Извршниот Одбор на ЛДП и Јасмина Конеска, членка на Советот за евроатлантски интеграции и Одборот за меѓународни политики.

На состанокот, како што соопшти Субверзивен Фронт, се разговарало за положбата на ЛГБТИ лицата во Македонија и начините како Европскиот парламент може да помогне во нејзиното подобрување. Исто така, се зборувало и за досегашните заложби на ЛДП во застапувањето на правата на ЛГБТИ лицата, како и идните активности планирани во овој домен. ЛДП е една од малкуте политички партии во РМ кои континуирано и отворено ги поддржуваат ЛГБТИ лицата во нивната борба за еднаквост во општеството, како дел од пошироката кампања за еднаквост и човекови права за сите.
„Во последните 2 години, ЛГБТИ-прашањата беа на маргината од политичкиот дискурс во Македонија, како и прашањата на останатите маргинализирани општествени групи, како Ромите и бегалците. Политичката криза која настана со објавувањето на аудио записите од прислушкуваните комуникации на 22.000 лица во Македонија, меѓу кои и политичари од опозицијата, министри, новинари, активисти и останати, ги пласираше корупцијата и криминалот како главни теми кои го окупираа јавното и медиумското внимание и интерес. Заштитата и остварувањето на човековите права кои се универзални за сите граѓани на РМ, вклучително и за лезбијките, геј мажите, бисексуалните, транс и интерсексуалните лица во Македонија, беа занемарени во политичката дебата“, изјавил Антонио Михајлов.
Европратеникот Вајгл истакнал дека Европскиот парламент ќе продолжи со посветеноста во застапувањето на правата на ЛГБТИ-лицата во рамките на надлежностите кои ги има, а посебно во земјите кандидати и аспиранти за зачленување во ЕУ. Истовремено, тој ја изразил загриженоста од зголемувањето на влијанието на конзервативните и десничарски движења и реторики ширум Европа, посебно после Брегзит и победата на Доналд Трамп на претседателските избори во САД, кои со себе вообичаено репродуцираат хомофобични и исклучувачки реторики.
Михајлов, исто така информирал за актуелната кампања „Гласај за еднаквост“ која што ја спроведува Субверзивен Фронт, а се однесува на политичкото учество на ЛГБТИ-лицата во РМ во светло на предвремените парламентарни избори на 11 декември 2016, како и за Првата национална ЛГБТИ-конференција во Македонија, закажана на 5 декември. 

 

Тоа е нашата политичка наивност- да се верува дека правото е семоќно орудие во разрешавањето на сите проблеми. А каде е моралната, политичката, социјалната, психолошката страна на проблемите? 

повеќе

Премолчувањето на јавнот интерес во законските решенијазначи изостувањето на клучниот критериум за оправданоста на концесиите на добрата од општ интерес.

повеќе

Фатени на дело во многу  кражби, сите праведни граѓани на оваа земја беа убедени дека на арамиите ќе им се суди по примерот на Жан - по кратка  постапка.

повеќе