ЕУ: Првите проекти од економскиот пакет за Западен Балкан кон крајот на декември

Европската комисија очекува кон крајот на декември да бидат одобрени првите проекти од Економскиот и инвестицискиот пакет на ЕУ за Западен Балкан, а тој да биде дел од една милијарда и сто милиони евра годинава од вкупно девет милијарди евра до 2027 година.

Како што изјавија за Бета извори од Европската комисија, некои проекти од Западен Балкан веќе пристигнале во Брисел и секој проект, што мора да биде „многу темелно подготвен”, ќе се разгледува поединечно.

До крајот на декември треба да биде во сила Фондот за претпристапна помош ИПА III на ЕУ од вкупно девет милијарди евра, одобрен за периодот 2021-2027 година, со кој ќе се финансираат проекти од Економскиот и инвестицискиот пакет, во очекување на дополнителни средства од уште 20 милијарди евра.

Пакетот на ЕУ  беше усвоен во октомври 2020 година и треба да привлече значителни приватни инвестиции, а приоритетни се развојот или реконструкцијата на главните патни и железнички врски, обновливите извори на енергија и преминот од јаглен кон други извори на енергија, зголемување на енергетската ефикасност, намалување на ефектот на стаклена градина, управување со отпад и отпадни води и воведување на широкопојасен интернет.

Според претставниците на ЕК, особено е важно „Западен Балкан да ги постигне климатските цели на ЕУ и да ги усвои енергетските и климатските аспирации на Унијата за намалување на емисиите на стакленички гасови за 55% до крајот на оваа деценија, што бара фундаментални трансформации“.

Колку и да сакаме Украинците да добијат целосна правда, на ерата на славни војни, несомнени победи и чисти порази ѝ дојде крајот. 

повеќе

Македонскиот народ мора да ја заштити автокефалноста на својата Македонска православна црква - Охридска архиепископија, како еден од носечките елементи на неговиот идентитет, од сите загрозувања од Фанар, од СПЦ и другите меѓународни црковни и други чинители. Време е за нов Македонски црковно-народен собир, како во 1945 година.

повеќе

Сите политичари и безмалку сите новинари во Македонија, се со став дека нема или поточно не е можен план Б во преговарањето за влез во ЕУ со Бугарија.

повеќе